Qazaqstan • 23 Shilde, 2019

Qazaq kásipkerleri bir aıda Tájikstanǵa eki ret bardy

121 ret kórsetildi

Bir aıdyń ishinde Qazaqstan kásipkerleri Dýshanbege eki ret barǵan. Iаǵnı 11 shildede, odan keıin 18 shildede Dýshanbege kelgen qazaqstandyq delegasııalar saýda-sattyqty ulǵaıtýǵa áreket etip otyr.

Eksportshylar úshin bıyl 9-shy ret ótken jyl saıynǵy saýda-ekonomıkalyq mıssııasy qazaqstandyq taýarlardyń Tájikstan naryǵynda saýdasyn júrgizip, jergilikti kásipkerlermen baılanys ornatýdy kózdeıdi.

Tájikstannyń tarapy úshin bul – neǵurlym tıimdi baǵalar men jetkizý sharttary ekendigi aıan. Osy kezdesýlerde qajetti qural-jabdyqtardy satyp alý ári elden tysqary seriktesterdiń qoldaýyna ıe bolý qarastyrylǵan.

Eki eldiń shekaralary shektespeıtindigine qaramastan, Qazaqstan 10 jyldan beri Tájikstannyń syrtqy saýda áriptesi bolyp tabylady jáne eki el ókilderiniń pikirinshe, Qazaqstan Tájikstannyń basty saýda seriktesi retinde qalyptasýynyń keleshegi bar.

Máselen, ótken 2018 jyldyń qorytyndysy boıynsha memleketter arasyndaǵy taýar aınalymy 845 mıllıon dollardy quraǵan. Biraq, Dýshanbe men Nur-Sultan qalalary ekijaqty taýar aınalymyn eki mıllıard dollarǵa deıin jetkizýdi josparlap otyr.

Ol úshin Úkimet «2018-2022 jyldarǵa arnalǵan Tájikstan men Qazaqstan arasyndaǵy taýar aınalymyn ulǵaıtý jónindegi jol kartasyn» daıyndap jatyr. Budan basqa, elde 2007 jyldan beri Qazaqstan-Tájikstan tikeleı ınvestısııalar qory jumys isteıdi.

Sondaı-aq Premer-mınıstr Asqar Mamın men prezıdent Emomalı Rahmonnyń jýyrdaǵy kezdesýi Nur-Sultan men Dýshanbeniń jaqyndaýynyń kezekti aıǵaǵy ekenin kórsetip berdy.

Osy saparlardyń nátıjesinde eki tarap jalpy somasy 80 mıllıon dollardan asatyn Qazaqstan-Tájikstan yntymaqtastyǵyn nyǵaıtýǵa baǵyttalǵan onnan astam qujatqa qol qoıylǵanyn aıta ketý kerek.

Osylaısha, 11 shildede saýda-ekonomıkalyq mıssııa otyrysynda Hyundai Trans Kazakhstan ókilderi Tájikstanǵa 50 JAC mashınasyn jetkizýdi talqylasa,  PALLANT TRADE JShS ónimderin konservileý zaýyty 1 mıllıon dollarǵa «Tádjerokontrakt» iri dıstrıbıýtorlyq kompanııasymen qol qoıdy.

Bir aptadan keıin Dýshanbedegi saýda-ekonomıkalyq mıssııasynyń kelesi otyrysyna tájik ekonomıkasy úshin mańyzdy energetıkalyq salamen baılanysty qazaqstandyq kompanııalar keldi.

Tájik agrarlaryn bıdaıdy krahmaldan bıootynǵa deıin tereń óńdeýmen aınalysatyn KazFoodProducts kompanııasynyń jáne Bıo-Katu fırmasynyń ónimderin organıkalyq tyńaıtqyshtarǵa qaıta óńdeıtin ónimderi qyzyqtyrady. Sol sııaqty 18 shildede kompanııa «SınoTehnıks Tájikstanmen» áriptestik qarym-qatynas týraly memorandýmǵa qol qoıyldy. Sol kúni «Barakatı Istıklol» «Túrgen-ekoprodýkt» kompanııasymen ara sharýashylyǵy ónimderin jetkizý týraly kelisti».

Qazaqstan tarapynan saýda-ekonomıkalyq mıssııasyn uıymdastyrýǵa Indýstrııa jáne ınfraqurylymdyq damý mınıstrligi men «Atameken» Ulttyq Kásipkerler palatasy jáne Qazaqstannyń syrtqy saýda palatasy uıytqy boldy.

Sońǵy jańalyqtar

Shyǵysqa qar tústi

Aımaqtar • Búgin, 22:57

Murat Áıtenov chempıondardy marapattady

Aımaqtar • Búgin, 21:48

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Uqsas jańalyqtar