Arys qalasynyń balalaryn soltústikqazaqstandyqtar áýezdi ánmen, kúmbirlegen kúımen qarsy aldy. 6 men 13 jas aralyǵyndaǵy oqýshylar jazǵy demalystarynyń bir aıyn Soltústik Qazaqstanda ótkizetin bolady.
Oblystyq bilim basqarmasynyń bólim jetekshisi Ǵalııa Ilııasovanyń aıtýynsha, jazǵy demalysty qyzyqty ótkizý úshin arnaıy baǵdarlama ázirlenipti. Iаǵnı, oqýshylar ekskýrsııaǵa shyǵyp, oblystyń tarıhı-ólketaný murajaıyn, «Abylaı han rezıdensııasy» murajaı-keshenin, ortalyq saıabaqty, akvaparkti, kıeli oryndardy aralaıdy.
Baldyrǵandar Maǵjan eline birinshi ret kelip otyrǵandaryna qaramastan jyly júzdi qaýyshýlarǵa dán rıza.
48 bala «Altyn kúz» saýyqtyrý lagerine ornalastyryldy. Munda olardyń emin-erkin tynyǵýyna, ár kúnin mazmundy ótkizýine barlyq jaǵdaı jasalǵan.
