Kún tártibinde – kókeıkesti mindetter

Beısenbi, 16 mamyr 2013 1:51

Astananyń halyqaralyq dárejedegi joǵary bedeli men saıa­sı salmaǵyna bas qalamyzda turaqty túrde ótip kele jatqan dástúrli jahandyq basqosýlar dálel. Sonyń biri – álemniń júzge tarta memleketiniń ókilderi bas qosatyn, osymen elordamyzda altynshy ret ótkizilgeli otyrǵan Astana ekonomıkalyq forýmy bolyp tabylady. Bul forým búgingi kúni óziniń týy astyna álemge aty máshhúr teoretıkter men is basyndaǵy mamandardy toptas­tyratyn jahandyq qubylys bolyp otyr. Oǵan forým aıasynda ótkiziletin jahandyq konferensııa­lar men sessııalar kýá.

Beısenbi, 16 mamyr 2013 1:51

Astananyń halyqaralyq dárejedegi joǵary bedeli men saıa­sı salmaǵyna bas qalamyzda turaqty túrde ótip kele jatqan dástúrli jahandyq basqosýlar dálel. Sonyń biri – álemniń júzge tarta memleketiniń ókilderi bas qosatyn, osymen elordamyzda altynshy ret ótkizilgeli otyrǵan Astana ekonomıkalyq forýmy bolyp tabylady. Bul forým búgingi kúni óziniń týy astyna álemge aty máshhúr teoretıkter men is basyndaǵy mamandardy toptas­tyratyn jahandyq qubylys bolyp otyr. Oǵan forým aıasynda ótkiziletin jahandyq konferensııa­lar men sessııalar kýá.

2013 jyldyń 22 mamyrynda VI Astana ekonomıkalyq forýmy sheńberinde Qazaq­stan Respýblıkasynyń Memlekettik qyz­met isteri agenttigi, BUU Damý baǵdar­la­ma­sy jáne Qazaqstan Respýblıkasy Pre­zı­dentiniń janyndaǵy Memlekettik bas­qarý akademııasynyń uıymdastyrýymen «Mem­lekettik qyzmetti jańǵyrtý: turaqty damý maqsatynda tıimdilikti arttyrý» atty jahan­dyq konferensııa ótkiziledi.

Konferensııa sheńberinde memlekettik qyzmetti jańashalandyrý, memlekettik qyz­metti bilikti basqarý jáne aımaqtyq áriptestik arqyly memlekettik qyzmetti turaqty damytý máselelerine baǵyttalǵan úsh paneldik sessııa ótetin bolady. Atalmysh sessııalardy memlekettik qyzmet salasynda dúnıe jú­zine tanylǵan sarapshylar: AQSh-tyń Ja­laqy boıynsha federaldyq keńesiniń tóraǵasy Stıv Kondrı, Halyqaralyq ákimshilik ǵylymdar ınstıtýtynyń bas dırektory Rolet Loretan jáne BUU DB-nyń Eýropa jáne TMD elderindegi Bratıslava aımaqtyq ortalyǵynyń memlekettik basqarý salasyndaǵy demokratııalyq tájirıbe kóshbasshysy Annı Demırjandar júrgizedi dep kútilýde.

Konferensııada Lı Kýan Iý atyndaǵy Memlekettik saıasat mektebi dırektory (2005-2011), táýelsiz keńesshi Sýkvınder Sıngh Chopra, AQSh-tyń Memlekettik qyzmet júıesi qyzmetkerlerin basqarý keńsesi janyn­da­ǵy basqarýshylardyń biliktiligin arttyrý federaldyq ınstıtýtynyń (FEI) fakýl­tet dekany Metıý Stafford jáne BUU-nyń memlekettik basqarý salasyn­da aqparat­tyq jelilerdi basqarý departamentiniń úıles­tirý­shisi Denız Sýsar sııaqty dúnıe júzine tanymal sarapshylar baıandama jasaıtyn bolady. Sonymen birge, konferensııa jumysyna mem­le­ket­tik qyzmet salasyndaǵy Ázerbaıjan, Aý­ǵanstan, Grýzııa, Qyrǵyzstan jáne Tájikstan el­deriniń quzyretti memlekettik mekemeleriniń basshylary, Tatarstan Respýblıkasy prezı­den­ti apparatynyń basshylyǵy qatysady dep kútilýde.

Jahandyq konferensııa qorytyndysynda Qazaqstan Respýblıkasynyń Memlekettik qyzmet isteri agenttigi men memlekettik qyzmet sa­lasynda quzyretti sheteldik memlekettik me­ke­meler arasynda «О́zara túsinistik jáne árip­tes­­tik týraly» memorandýmǵa qol qoıý jos­par­lanýda.

VI Astana ekonomıkalyq forýmy aıasynda 2013 jylǵy 24 mamyrda elimizdiń Qorshaǵan ortany qorǵaý mınıstrligi men Ekonomıka jáne bıýdjettik josparlaý mınıstrligi bir­le­sip «Indýstrııalyq revolıýsııa – «jasyl» eko­nomıkaǵa kóshý» atty paneldik sessııa ótkizedi.

Bul otyrysqa «jasyl» ekonomıka sala­syndaǵy qazaqstandyq jáne sheteldik sarapshylar, sondaı-aq, halyqaralyq, qoǵamdyq birlestikter men úkimettik emes uıymdar ókilderi qatysady dep kútilýde. Sessııa ju­my­synda Qorshaǵan ortany qorǵaý mı­nıstri Nurlan Qapparov, Ekonomıka jáne bıýdjettik josparlaý vıse-mınıstri Mádına Ábilqasymova, Azııa jáne Tynyq muhıt aımaǵy ekonomıkalyq jáne áleýmettik komıssııanyń atqarýshy hatshysy Noelın Heızer, Eýropalyq ınvestısııalyq banktiń vıse-prezıdenti Vılgelm Molterer baıandamalar jasaıdy. Sessııanyń moderatory retinde BUU-nyń Eýropalyq ekonomıkalyq komıssııasynyń atqarýshy hatshysy Sven Alkalaı arnaıy shaqyrylyp otyr.

Sessııanyń kún tártibi boıynsha, álemdik aýqymdaǵy «jasyl» ekonomıkanyń negizgi sıpattamalary, onyń jolynda turǵan kedergiler, shetelderdiń «jasyl» ekonomıkaǵa ótý tájirıbesi jáne basqa da kókeıkesti máseleler talqylanbaq. Otyrys qorytyndysynda sessııa kún tártibinde talqylanǵan usynys-pikirlerdiń qorytyndysy retinde Rıo+20 sammıtiniń sheshimderin iske asyrýǵa baǵyttalǵan naqty qadamdar boıynsha usynystar beriledi. Aldaǵy mamyr aıynda Qorshaǵan ortany qorǵaý mınıstrligi G-global aqparattyq-kommýnıkatıvtik alańynda osy taqyryptaǵy on-laın konferensııa ótkizedi.

Búginde zııatkerlik menshik árbir mem­le­kettiń ekonomıkalyq damýyna úles qosatyn basty strategııalyq resýrsqa aınalyp otyr. Osyǵan baılanysty, 24 mamyrda VI As­tana ekonomıkalyq forýmy sheńberinde «Zııatkerlik menshikti ınternet júıesinde qorǵaý máseleleri men bolashaǵy» atty pa­nel­dik sessııa ótedi.

Zamanaýı aqparattyq tóńkeris adamzat­tyń zııatkerlik jáne shyǵarmashylyq múm­kindikteriniń tehnologııalyq negizine aınalǵan ǵalamdyq aqparattyq júıeniń qurylýyna túrtki boldy. Ǵalamdyq ınternet júıesiniń damýy qoǵamnyń saıasat, ekonomıka, mádenıet syndy barlyq salasyna úlken áserin tıgizdi. Aqparat satylyp, paıda jáne shyǵyn ákeletin naǵyz ekonomıkalyq quralǵa aınaldy.

Elektrondy saýda men aqparat almasý maqsatynda ınternet paıdalanýshylardyń qatary kóbeıe túsýine oraı, zııatkerlik men­shik salasyn qorǵaýǵa erekshe kóńil bólý kerek. О́ıtkeni, ǵalamtor sandyq ortadaǵy a­q­parat almasýdyń joly ǵana emes, sondaı-aq, transulttyq qylmystarǵa da jol ashatyn qarýǵa aınalýda. Sondyqtan avtorlardyń quqyǵyn qorǵaý úshin kúsh biriktirip, ınternet júıesindegi qylmyspen kúresý ke­rek. Mine, osy mańyzdy taqyryptar panel­dik ses­sııa­nyń kún tártibindegi negizgi másel­e­ler­ge aınalmaq.

Forým aıasynda ótetin basty sharalardyń biri retinde ónertabys salasyndaǵy respýb­lıkalyq «Shapaǵat» jetistikter baıqaýynyń jeńimpazdaryn marapattaý rásimin erekshe atap ótken jón. Ol – 23 mamyr kúni «Shabyt» saraıynda ótedi. Baıqaý Ádilet, Bilim jáne ǵylym, Indýstrııa jáne jańa tehnologııalar mınıstrlikteriniń birlesken buıryǵyna saı bekitilgen ereje boıynsha ótkiziledi. Baıqaý jeńimpazdary «Eń úzdik ónertapqysh», «Eń jas ónertapqysh», «О́nertapqysh áıel», «Jas daryn» nomınasııalary boıynsha anyqtalady. Taǵy bir atap óterlik jaıt, bıyl birinshi ret qazaq­stan­dyq ónertapqyshtardy yntalandyrý úshin «Qa­zaqstan Respýblıkasynyń Eńbek sińirgen óner­tapqyshy» ataǵyna baıqaý jarııalandy. Bul baıqaýdyń jeńimpazyn marapattaý rásimi de 23 mamyr kúni ótedi.

Jylqybaı JAǴYPARULY,

«Egemen Qazaqstan».