Nur-Sultan qalasynyń Qalalyq orta sapasy jáne baqylaý basqarmasy 728 kóppáterli turǵyn úıge tekseris júrgizip, jylý maýsymyna tehnıkalyq daıyndyǵyn rastaıtyn Aktilerin alǵan. Bul qaladaǵy turǵyn úı keshenderdiń 30% quraıdy.
«Atalǵan máselege baılanysty «Almaty» aýdany boıynsha 233, «Esil» aýdany boıynsha 17, «Saryarqa» aýdanyndaǵy 335 kóppáterli úıge tekserý júrgizildi. «Baıqońyr» aýdanyndaǵy 143 turǵyn úı jańa jylytý maýsymyna daıyndyǵy rastaldy, - dedi «Qalalyq orta sapasy jáne baqylaý basqarmasy» MM-niń basshy orynbasary Oksana Ibraeva.
Búginde Nur-Sultan qalasyndaǵy 2574 kóppáterli turǵyn úıler ortalyq jylý berý júıesine qosylǵan. Basqarma tarapynan kún saıyn qaladaǵy barlyq turǵyn úılerge «Jylytý, jeldetý jáne kondısııalaý» QR normatıvine sáıkestigine tekseris júrgizilýde.
