Saıysqa 2500-ge jýyq sportshy qatysyp, sporttyń 15 túrinen saıysqa tústi.
Aýyl alamanynyń ashylý saltanatynda oblys ákiminiń orynbasary Rýslan Álishev sóz sóılep, jınalǵandardy aıtýly merekemen quttyqtady.
Dástúrli doda sherýmen bastalyp, alańda sport oıyndarynyń basty nyshany – alaýdy kıkboksıngten halyqaralyq dárejedegi sport sheberi, álem kýbogynyń jeńimpazy, elimizdiń segiz dúrkin chempıony Nursultan Jaqypov jaqty.
Tartysty básekeniń qorytyndysynda alań ıeleri jarystyń eń bıik tuǵyryna kóterilip, oblys ákiminiń syılyǵy – «Gazel» avtokóligi tabys etildi. Ekinshi, úshinshi oryndardy Qyzyljar men Ǵ. Músirepov aýdanynyń komandalary ıelendi. Olarǵa aqshalaı syıaqylar berildi.
