Áleýmettik jeli arqyly taratylǵan jalǵan aqparattyń zııany tıgen kompanııalardyń qatarynda qyzylordalyq «Araltuz» AQ men «Baıdala» JShS bar. Eki kompanııaǵa qatysty da jalǵan málimet áleýmettik jeli arqyly joldanǵan.
«Araltuz»-ǵa qatysty kompanııanyń qytaılyqtarǵa satylyp ketkeni, sol arqyly tuz sapasynyń tómendeıtini aıtylsa, «Baıdalanyń» kúrishine qatysty «ónim sapasyz» degen sarynda beınematerıal taratylǵan.
«Bizdiń óndirip otyrǵan ónimderimizdiń sapasy kún saıyn tıisti organdarmen tekserilip otyrady. Sapa jaǵyna kelgende biz óte qatań qadaǵalaýda ustaımyz. Onyń ústine «Araltuzdyń» ónimderiniń úshten ekisi shetelge eksportqa shyǵarylady. Eksport arqyly alatyn elder de bizdiń ónimderimizde jiti tekseredi», - deıdi «Araltuz» AQ-nyń vıse-prezıdenti Evgenıı Korol.
«Baıdala» JShS shyǵaratyn ónimniń sapasyna qatysty «Qazaqstan agrarlyq saraptamasy» AQ Qyzylorda fılıalynyń basshysy Meırambek Serikbaı da pikirin bildirdi.
«Bizdiń oblysta zaýytta óndiriletin jáne eksportqa shyǵarylatyn kúrishter úsh tekserýden ótedi. Olar sáıkestik sertıfıkaty, karantındik sertıfıkaty jáne sapa sertıfıkaty. Sapa sertıfıkatynan ótý úshin zavodtan shyqqan kúrish ónimderiniń synamasy alynyp, tekserýden ótkiziledi. Qaptyń moınyndaǵy túpnusqasynda shyqqan aýysymy, merzimi jazylyp turady. Beınerolıkti túsirgen azamattar kúrishtiń sapasyz ekendigin shyn máninde dáleldegisi kelse kúrish qabyn kórsetýi qajet edi. Halyqqa aıtarym, qaltadan kelgen, tarelkadaǵy shyǵý tegi belgisiz kúrishterge senbeńizder. Oblys dıhandary respýblıkadaǵy kúrishtiń 80 paıyzyn óndiredi. Bizdiń aımaqta óndiriletin kúrishterdiń buryn 20-30 paıyzy ǵana shyǵatyn bolsa, qazir 70 paıyzy eksportqa shyǵarylady. Sondyqtan da bizdiń óńirdiń kúrishi týraly jalǵan aqparat taratý qısynsyz tirlik. «Baıdalanyń» kúrishi sapaly, halyq tutynyp joǵary baǵasyn alyp júrgen, eksportta suranysqa ıe ónim», - dedi.
Erekshe toqtalǵan jón, búginde eki kompanııaǵa qatysty jaǵdaı «Atameken» UKP, jergilikti atqarýshy organdar, sondaı-aq Ishki ister organdary arqyly baqylaýǵa alynyp, kásipkerlerge jan-jaqty kómek kórsetilýde.
Atap aıtqanda, «Atameken Channel» kanalyndaǵy «Nashe delo» baǵdarlamasy arqyly, Kásipkerler palatasynyń, oblys ákimdiginiń der kezinde uıymdastyrǵan baspasóz máslıhattary arqyly kásipkerlerge aqparattyq qoldaý kórsetildi.
Qyzylorda oblysy.
