Aımaqtar • 24 Shilde, 2019

Elordalyq jedel járdem brıgadasy Qazaqstanda úzdik dep tanyldy

284 ret

kórsetildi

1 mın

oqý úshin

Nur-Sultan qalasynyń jedel járdem brıgadasy Jedel medısınalyq kómek brıgadalarynyń jáne qabyldaý bólimsheleriniń IV respýblıkalyq jarystarynyń qorytyndysy boıynsha úzdik dep tanyldy. Oǵan elimizdiń 17 aımaǵynan kelgen komandalar qatysty dep qala ákimdiginiń saıty habarlaıdy.

Egemen Qazaqstan

Elordalyq jedel járdem brıgadasy Qazaqstanda úzdik dep tanyldy

Qatysýshylar jumysynyń kásibıligi men tıimdiligin Qazaqstannyń medısınalyq joǵary oqý oryndary men uıymdarynyń ókilderi arasynan qazylar alqasy, sondaı-aq Italııa men Germanııanyń halyqaralyq sarapshylary baǵalady.

Jarys barysynda komandalar belgili bir klınıkalyq stansııalardan ótýmen sıtýasııalyq tapsyrmalardy sheshti. Mysaly, anafılaktıkalyq shok, náresteniń reanımasııasy, polıtravma jáne basqalar kezinde shuǵyl kómek kórsetý. "Oqıǵa" ornynda manekender men standarttalǵan pasıentter (pasıentterdi beıneleıtin adamdar) qoldanyldy.

Aıta ketý kerek, 103 qyzmeti táýligine 2900-ge deıin ótinish qabyldaıdy jáne 1800-ge deıin qyzmet kórsetedi. Táýligine elordaǵa 80 GTQS brıgadasy men 24 AMSK shuǵyl járdem brıgadasy qyzmet kórsetedi.

Elordalyq jedel medısınalyq járdem stansııasy joǵary bilikti mamandary bar jáne óz arsenalynda zamanaýı jabdyqtary, dári-dármekter men sanıtarlyq avtokóligi bar qalanyń jetekshi emdeý-aldyn alý mekemeleriniń biri bolyp tabylady.