Atap aıtar bolsaq, oblys ákimdiginiń qoldaýymen Baızaq, Jambyl, Jýaly, Qordaı, Moıynqum, Merki jáne Shý aýdandarynyń ýchaskelik polısııa ınspektorlary sý jańa «Nıva» jáne «Ýaz» markaly 131 birlik arnaıy avtokólikpen qamtamasyz etildi. Al Talas, T.Rysqulov jáne Sarysý aýdandaryna kólik kelesi jyldyń birinshi jartyjyldyǵynda bólinetin bolady.
Saltanatty sharada sóz alǵan Nurjan Kalenderov barlyq ýchaskelik polısııa ınspektorlaryn quttyqtady. «Oblys ákimdigi ishki ister organdarymen birlesip, aımaqta qoǵamdyq tártip pen qaýipsizdiktiń saqtalýyn qamtamasyz etýdi uıymdastyryp keledi. Jergilikti atqarýshy organ tarapynan qoǵamdyq tártipti saqtaýǵa bólinetin qarjy kólemi de jyldan jylǵa ulǵaıýda jáne ol óziniń oń nátıjesin berýde. Iаǵnı, oblysta byltyrǵy jylmen salystyrǵanda aǵymdaǵy jyldyń 6 aıynda tirkelgen qylmystar sany 9,2 paıyzǵa tómendedi. Biz birinshi kezekte, qoǵamdyq tártiptiń saqtalýyna tikeleı jaýapty, halyqpen tyǵyz jumys jasaıtyn ýchaskelik polısııa ınspektorlaryn qyzmettik kólikpen qamtýymyz qajet», dedi ol. О́z sózinde polısııa departamentiniń bastyǵy Arman Orazalıev oblys ákimdigine polısııa departamentine materıaldyq qoldaý kórsetkeni úshin alǵysyn bildirdi. «Ishki ister mınıstrligimen 2020 jyl – «Ýchaskelik polısııa ınspektorlarynyń jyly» – dep jarııalandy. Osyny eskerip, oblys ákimdiginiń qoldaýymen óńirimizdegi barlyq ýchaskelik polısııa ınspektorlary avtokólikpen 100 paıyzǵa qamtamasyz etiletin bolady. Ýchaskelik polısııa ınspektorlaryna kólik bólý arqyly olardyń shalǵaı jatqan aýdandarǵa jıi baryp turýyna, polısııaǵa túsken shaqyrtýlarǵa der kezine jetýine, otbasylyq-turmystyq qylmystardy jáne basqa da kóptegen quqyq buzýshylyqtardy tómendetýge, sonymen qatar, qylmystyń ósýine, sonyń ishinde mal urlyǵyna jol bermeýge qol jetkizýge múmkindik beredi», dedi ol.
Kelesi kezekte Nurjan Kalenderov pen Arman Orazalıev ýchaskelik polıseılerge saltanatty túrde avtokólikterdiń kiltin tabystap, óz kezeginde ınspektorlar da aıanbaı qyzmet etýge ant berdi. Is-shara sońy jańa avtokólikterdiń saltanatty sherýimen aıaqtaldy.
