Biraq jurttyń senimin paıdalanyp básekege qabiletti kásiporyn ónimderin de sapasyz dep kústánalaýshylar, tasada turyp tas atýshylar kóbeıip bara jatqanyn aıtý kerek. Sonyń biri – ózimizde ǵana emes, halyqaralyq naryqtaǵy óz ornyn tapqan, kúrish ósirip, aqtaýshy «Baıdala» seriktestigi.
Jaqynda áleýmettik jelilerde «qyzylordalyq «Baıdala» seriktestiginiń kúrishi sapasyz» degen sarynda beınerolık tarady. Osy habardan keıin «Baıdalanyń» basshysy kómek surap, Kásipkerler palatasyna ótinish túsirgen edi. Máseleni zerttegen palata qyzmetkerleri sala mamandarynyń basyn qosyp, baspasóz máslıhatyn ótkizdi.
Jıynda Kásipkerler palatasy dırektorynyń agroónerkásiptik keshen máseleleri boıynsha orynbasary Pirmuhammed Syzdyqov: «Naqty zerdeleý jumystary júrgizilmeı taratylǵan aqparattyń saldarynan kásipker shyǵynǵa ushyrap otyr. Kásipker palatadan kómek surady. Qazir zańgerlerimiz quqyqtyq qoldaý kórsetýde», dedi.
«Baıdala» JShS dırektorynyń orynbasary Azamat Baıdalıev kompanııanyń búginde oblysqa qarasty Shıeli, Syrdarııa, Jalaǵash aýdandarynda kúrish egip, ony óz zaýyttarynda aqtaıtyndyqtaryn aıtty. Búginde «Baıdalanyń» zaýytynda turaqty 80 adam jumys istese, egindikterde maýsymdyq jumystarǵa 2 myńǵa jýyq adam tartylǵan. О́nimderin Tájikstan, Ýkraına, Reseı, О́zbekstan, Qyrǵyzstan jáne ózge de elderge eksportqa shyǵarýda.
Qyzylorda oblysynda óndiriletin kúrishtiń sapasyna qatysty «Qazaqstan agrarlyq saraptamasy» AQ Qyzylorda fılıalynyń basshysy Meırambek Serikbaı da pikirin bildirdi.
«Bizdiń oblysta zaýytta óndiriletin jáne eksportqa shyǵarylatyn kúrishter úsh tekserýden ótedi. Olar sáıkestik sertıfıkaty, karantındik sertıfıkaty jáne sapa sertıfıkaty. Sapa sertıfıkatynan ótý úshin zaýyttan shyqqan kúrish ónimderiniń synamasy alynyp, tekserýden ótkiziledi. Qaptyń moınyndaǵy túpnusqasynda shyqqan merzimi jazylyp turady. Beınerolıkti túsirgen azamattar kúrishtiń sapasyz ekenin shyn máninde dáleldegisi kelse, kúrish qabyn kórsetýi qajet edi. Tutynýshylarǵa aıtarymyz, qaltadan kelgen, tarelkadaǵy shyǵý tegi belgisiz kúrishterge senbeńizder. Oblys dıqandary respýblıkadaǵy kúrishtiń 80 paıyzyn óndiredi. Bizdiń óńirde óndiriletin kúrishterdiń buryn 20-30 paıyzy ǵana shetelge shyǵatyn bolsa, qazir 70 paıyzy eksportqa shyǵarylady. Sondyqtan da óńir kúrishi týraly jalǵan aqparat taratý qısynsyz tirlik. «Baıdalanyń» kúrishi sapaly, tutynýshylardan joǵary baǵasyn alyp júrgen, eksportta suranysqa ıe ónim», dedi.
P.Syzdyqov osyndaı keleńsizdiktermen udaıy kúres júrgiziletindigin aıtty.
Al sapaly ónimdi sapasyz dep kásiporynnyń bedelin túsirmek bolǵandar zań aıasynda jazasyn alady.
Qyzylorda oblysy
