Sýretti túsirgen Valerıı Býgaev
Oblystyq ákimdikte ótken jıyn barysynda osy másele barysy talqylandy
- Al, jańadan qurylǵan, áleýeti joǵary sharýa qojalyqtary joq. Bul - aýdan-qala ákimderi men aýyl sharýashylyǵy basqarmasyna syn,-dedi oblys ákimi Bolat Baqaýov.
Basqarmanyń málimetinshe, jyl basynan beri aımaqtyń agroónerkásiptik keshenine 9 mlrd teńge ınvestısııa quıylǵan.
Jyl sońyna deıin quny 16,7 mlrd teńge bolatyn 50 ınvestısııalyq jobany iske qosý josparlanýda.
Bul jobalar 3200 mal basyna arnalǵan 6 sút-taýar fermasy, 6000 mal basyna arnalǵan eki bordaqylaý alańy, 6030 mal basyna arnalǵan 16 mal sharýashylyǵy orny jáne «Pavlodar Qus» JShS qus fabrıkasyn keńeıtý.
Biraq aýdandarda jańa jobalar joq. Bar jobanyń ózi naqty emes. Jobalar tıisti saraptamadan ótti me, joq pa ol jaǵy da belgisiz. Sondyqtan ár aýdan óziniń múmkindikterin tıimdi paıdalanyp, ınvestordy shaqyryp, barlyq jaǵdaıyn jasaýy kerek degen tapsyrma berildi. Iаǵnı, aýyl sharýashylyǵy salasynda ǵana emes, árbir aýdannyń áleýetin arttyrý boıynsha jumys jasaýlary qajet. Bul aýdan, qala ákimderiniń mindeti.
Jıynda óńirdiń óńdeý ónerkásibi artta qalǵany da aıtyldy. Saýda úıleriniń sórelerinde Reseı men Belarýsten jetkizilgen sút jáne sút ónimderi az emes. Turǵyndar bolsa óz aýyldarymyzda jasalatyn jergilikti ónimderdi izdeıdi.
Jıyn sońynda aýdan-qala ákimderi ádettegideı jyl sońyna deıin jańa jobalardy júzege asyrýǵa ýáde berdi.
Pavlodar oblysy
