Osyǵan baılanysty Qyzylorda oblysy prokýrorynyń mindetin atqarýshy Talǵat Álibaev óńirlik kommýnıkasııalar qyzmetiniń aqparattyq alańynda ótken baspasóz jıynynda oqıǵaǵa qatysty istiń sotqa jiberilgenin jáne sotta qaraý úshin qajetti aıǵaq derekterdiń jetkilikti ekendigin aıtty.
- Oqıǵaǵa qatysty júrgizýshi kúdikti dep tanyldy. 1 maýsym kúngi Qyzylorda mamandandyrylǵan tergeý sotymen kúdikti 2 aıǵa bultartpaý sharasy boıynsha sanksııalanǵan bolatyn. Qazirgi tańda is boıynsha tıisti saraptamalar ótkizildi. Barlyq iske qatysty dáleldemeler jınaqtaldy. Is Qyzylorda qalalyq ekinshi sotyna qaraýǵa joldandy,-deıdi oblysy prokýrorynyń orynbasary.
Qyzylorda oblysy polısııa departamentiniń Tergeý basqarmasy bastyǵynyń mindetin atqarýshy, polısııa polkovnıgi Ámirjan О́tegenov oqıǵaǵa qatysty istiń tergeýi 2 aı merziminde júrgiziletindigin jetkizdi.
- Belgilengen saraptamalardy taǵaıyndaý, sot medısınalyq saraptamasynyń qorytyndysyn alǵannan keıin belgilengen baptar boıynsha Qylmystyq-Prosestik kodeksiniń 300-baby boıynsha zerdeleýin qadaǵalaýyn joldaımyz,-deıdi polısııa polkovnıgi.
