Badamnyń bolashaǵy áli alda
Beısenbi, 30 mamyr 2013 2:06
Bir kezderi býyrqanyp, kóktem, kúz aılarynda arnasynan asyp, eldi ájepteýir ábigerge salatyn Badam ózeni búginde jylamsyrap aǵyp jatyr. Bálkim, kózin ashyp, boıyn jıi tazartpaǵannan shyǵar. Bir jamany, Shymkenttegi iri zaýyttardyń barlyǵy derlik kezinde ózenderdiń boıynan salynyp ketken. Úsh tasty qalap, ot jaqsań, úsh kúrek kúl shyǵady. Al, alyp óndiris oshaǵy talaı jyldar boıy kúnine qanshama kúl-qoqys shyǵaryp, onyń bári osy ózen arnasymen aǵyp, bulaq kóziniń bárin bekitip tastaǵany ras.
Beısenbi, 30 mamyr 2013 2:06
Bir kezderi býyrqanyp, kóktem, kúz aılarynda arnasynan asyp, eldi ájepteýir ábigerge salatyn Badam ózeni búginde jylamsyrap aǵyp jatyr. Bálkim, kózin ashyp, boıyn jıi tazartpaǵannan shyǵar. Bir jamany, Shymkenttegi iri zaýyttardyń barlyǵy derlik kezinde ózenderdiń boıynan salynyp ketken. Úsh tasty qalap, ot jaqsań, úsh kúrek kúl shyǵady. Al, alyp óndiris oshaǵy talaı jyldar boıy kúnine qanshama kúl-qoqys shyǵaryp, onyń bári osy ózen arnasymen aǵyp, bulaq kóziniń bárin bekitip tastaǵany ras.
Mine, osy másele oblys ákimi Asqar Myrzahmetovti qatty tolǵandyrsa kerek. Jaqynda Shymkent qalasyndaǵy Badam ózeniniń jaǵalaýyn kóriktendirý jumystarynyń alǵashqy kezeńi bastalyp ketti. Bekitilgen joba boıynsha ózenniń 3 shaqyrymy tolyǵymen abattandyrylady. Oblystyq bıýdjet esebinen qarjylandyrylatyn nysannyń konkýrstyq quny 1746,2 mln.teńgeni qurap otyr. О́zen boıyn kóriktendirý jumystary qarashada aıaqtalady dep josparlanýda.
Kóriktendirý jumystarynyń barlyq kezeńderi tolyǵymen aıaqtalǵan ýaqytta Badam ózeniniń mańy qala turǵyndary men qonaqtary demalatyn aımaqqa aınalady. Túrli jemis aǵashtary men kóshetter otyrǵyzylyp, aımaq jaryqtandyrylady. Demalýshylarǵa arnalǵan oryndyqtar men qoqys jáshikteri qoıylyp, aıaqjoldar tóseledi, tegin avtoturaq ashylady.
Jaǵalaýmen birge ózen arnasyn da kóriktendirý kózdelýde. Búgingi tańda qurylys jumystaryna 28 tehnıka jumyldyryldy. Elbasymyz bul shahardy keleshegi zor qalalardyń qataryna engizip, mańyzy jóninen memleketimizdiń úshinshi qalasyna teńegen edi. Iаǵnı Shymkentte qolǵa alynyp otyrǵan bul joba Elbasynyń bergen sol mártebesin aıqyndaı túsetin jobalardyń biri bolatyny sózsiz. Taǵy bir aıtary, servıstik qyzmet kórsetý úshin bul joba jeke ınvestorlardyń qyzyǵýshylyǵyn týdyryp otyr eken.
Oralhan DÁÝIT,
«Egemen Qazaqstan».
ShYMKENT.
