2015 jyly qurylǵan «SATUC» uıymy álem boıynsha panasyz qalǵan balalarǵa qamqorlyq etip, jan-jaqty qoldaý kórsetip keledi. Sheıha Ál Tánıdiń bastamasymen jyl saıyn balalar úıleriniń tárbıelenýshileri arasynda fýtboldan álem chempıonatyn uıymdastyryp otyrady. Saıystar Ronaldo, Z.Zıdan, A.Del Pero sııaqty álem fýtboly juldyzdarynyń qoldaýy jáne qatysýymen ótedi.
Suhbat barysynda «SATUC» qaırymdylyq qorynyń Qazaqstanmen yntymaqtastyq qurý joldary qarastyryldy. Ásirese, jetim balalardy sportqa baýlý, olardyń shet elderge saparlaryn uıymdastyrý jáne álemdik saıystarǵa qatystyrý máseleleri talqylandy.
Sh.Ál Tánı 2019 jylǵy jeltoqsanda Marokkoda ótetin fýtboldan balalar úıleri tárbıelenýshileri arasynda ótetin chempıonatqa Qazaqstan qurama komandasyna shaqyrý tabystady. Sonymen qatar, «SATUC» qaırymdylyq qory 2020 jyly Qazaqstanda qyzdardyń fýtboldan birinshi álem chempıonatyn uıymdastyrýdy usyndy. Is-sharanyń basty maqsaty memleket qamqorlyǵyndaǵy balalardyń sporttyq oıyndarǵa qatystyrý arqyly olardyń damýyna múmkindik berý, qoǵam tarapynan ómirlik maqsattaryn iske asyrýǵa jan-jaqty qoldaý bolyp tabylady.
