Jobalardyń biri - «Jańa Qala» JShS-niń 600 basqa arnalǵan saýý kesheni bar sút fermasy qurylysyn júrgizýde. Investısııa kólemi 1,100 mıllıon teńgeni quraıdy.
Seriktestik «Agrarlyq nesıe korporasııasy» AQ-da «Yrys» baǵdarlamasy boıynsha nesıe alýǵa shart jasasqan. Maýsym aıynda tolyqtaı qarjylandyrylyp, jyl aıaǵyna qaraı iske qosylady dep josparlanǵan.
Biraq, aýdanǵa barǵan oblys ákimi Bolat Baqaýov «jobaǵa qarajat maýsym aıynda beriledi deısizder. Tek shildede jumys bastalady. Aldaǵy úsh aıda ár aı saıyn 200 mıllıon teńge ıgerilýi qajet eken, sonda, aıaqtaýǵa qalaı úlgeresizder?» dep surady.
- Chehııaǵa iri qara mal aldyrýǵa tapsyrys berdińizder me? Maldy ákelgennen keıin de atqaratyn jumystar jeterlik. Olardy iriktep, karantınge qoıý kerek. Bul jobany bıyl júzege asyryp, tapsyratyndaryńyzǵa kúmánim bar, - dedi B. Baqaýov.
Bıyl aýdanda júzege asyrylatyn taǵy bir joba - «Lýgansk» óndiristik kooperatıviniń 600 basqa arnalǵan sút fermasy. Bıyl tek 300 basqa arnalǵan alǵashqy bóligi qosylmaq.
Investısııa kólemi - 320 mıllıon teńge. Sonymen qatar, kooperatıvte asyl tuqymdy mal basyn kóbeıtý josparlanýda. Qurylys jumystary sáýir aıynda bastalǵan. Aldaǵy qazan aıynda paıdalanýǵa beriledi dep josparlanýda.
Kooperatıv basshysy Petr Kýzmenko jospar oıdaǵydaı júrgizilse, qalǵan 300 basqa arnalǵan oryn da jyl sońyna deıin aıaqtalady dedi.
Al, oblys ákimi eki fermadaǵy jaǵdaıdy múldem salystyrýǵa kelmeıtinin aıtty. О́ıtkeni, «Jańa qala» JShS-ndegi másele belgili.
Aýdanda sýarmaly jerlerdi keńeıtý boıynsha jobalar engizilýde. Máselen, «Andas» sharýa qojalyǵy qosymsha 420 gektar jerdi sýarmaly alqapqa aınaldyrmaq. Joba sýarmaly jerlerdiń kólemin 1800 gektarǵa deıin jetkizýdi kózdeıdi. Investısııa kólemi 156 mıllıon teńgeni quraıdy.
«QazAgroQarjy» AQ arqyly lızıngke 6 «Valley» sýarý mashınasy satyp alynǵan. Kelesi jyly qalǵan 610 gektar jerdi ıgerý josparlanyp otyr.
Al sharýa qojalyǵynyń basshysy negizgi qubyrlardy ornatý boıynsha jumystardyń aıaqtalmaýyna baılanysty barlyq jumysty tek kelesi jyly aıaqtaı alatynyn jetkizdi.
Oblys ákimi sharýshylyqtarǵa jumysty shıratýdy, sózben emes, ispen alǵa júrýdi tapsyrdy.
Aýdanǵa respýblıkalyq jáne oblystyq bıýdjetterden 2018 jyly 2 mlrd. teńge kóleminde, bıyl 2 mlrd. 800 mıllıon teńge qarajat bólingen. Áleýmettik-ekonomıkalyq damýy boıynsha aýdan oblys óńirleri arasynda jetinshi orynda tur. Aýdanda jańa kásip oryndaryn ashqandar da joq.
Pavlodar oblysy,
Pavlodar aýdany
