Qazaqstan • 29 Shilde, 2019

Grant kimge buıyrady?

579 retkórsetildi

О́tken juma kúni, ıaǵnı 25 shildede Bilim jáne ǵylym mınıstri Ashat Aımaǵambetovtiń tóraǵalyǵymen bilim berý granttaryn taǵaıyndaý jónindegi respýblıkalyq komıssııa óz jumysyn bastady.

Komıssııanyń quramyna memle­ket­tik organdardyń, Ulttyq kásipkerler palatasynyń, joǵary oqý oryndary qaýymdastyǵynyń, rektorlar keńe­siniń, Jas Otan jas­tar qana­­tynyń stý­dentter Alıansy men úki­mettik emes uıymdardyń, «ADAL BILIM» jo­ba­lyq keńsesiniń jáne buqaralyq aqpa­rat quraldarynyń ókilderi, atal­ǵan mı­nıstrliktiń qyzmetker­leri engen. Komıssııa otyrysynda eli­miz­de­gi joǵary oqý oryndaryna qabyl­­daý boıynsha úlken daıyn­dyq jumy­sy­nyń qorytyndysy shyǵaryl­maq.

Bıyl bilim berý granttary bilim berý baǵdarlamalary toptary bo­ıynsha taǵaıyndalady. Grant ıegeri JOO-ǵa qabyldaý kezinde odan ári qaraı oqý úshin naqty bilim berý baǵdarlamasyn tańdaıdy.

Eske salsaq, 2019-2020 oqý jylyna 53 785 grant bólindi. Vedomstvonyń málimetinshe, memlekettik tapsyrys kóleminiń 47%-dan astamy ın­je­nerlik, óńdeý jáne qurylys, IT-teh­nologııalar salasyna, 8276 grant pedagogıkalyq ǵylymdarǵa, 4088 grant jaratylystaný ǵylymdary, matematıka jáne statıstıka, 2200 grant qyzmet kórsetý, 1615 grant óner jáne gýmanıtarlyq ǵylymdarǵa, 2435 grant aýylsharýashylyq ǵylymdar jáne veterınarııa, 2183 grant áleýmettik ǵylymdar, bıznes jáne ekonomıka salalaryna berilgen.

Al kolledj bitirýshiler 3040 grantqa talaspaq. Olar qysqartylǵan formada óz mamandyqtary boıynsha joǵary bilim alady. Bıylǵy erekshelik boıynsha kolledj túlekteri burynǵydaı 4 pánnen keshendi testileý emes, 2 beıindi pánnen ǵana synaq tapsyrdy. Jekelegen kategorııalar úshin kvotalar qarastyrylǵan (jetim balalar, múgedekter, aýyl jastary, qazaq dıasporasy jáne t.b.).

Taǵy bir atap óterlik jaıt, «Máń­gilik el jastary – ındýstrııaǵa!» jobasy aıasynda aýyl jastary úshin 5109 grant bólindi.

Bilim berý granttaryn taǵaıyndaý konkýrsyna 64 452 adam qatysyp ja­tyr, olardyń 52 337-si qazaq tili bólimine, 11 757-si orys bólimine, 87-si aǵylshyn tili bólimine túsýdi qalaıdy.

Konkýrsqa qatysýshylar ishinde 5 824 «Altyn belgi» ıegeri, jalpy bilim berý pánderinen halyq­aralyq jáne respýblıkalyq olımpıa­dalardyń 224 jeńimpazy, jalpy bilim berý pánderinen halyqaralyq jáne respýblıkalyq ǵylymı jarystardyń 128 jeńimpazy, respýblıkalyq jáne halyqaralyq sporttyq saıys­tar­dyń 336 júldegeri bar. Olar tek UBT baldary teń bolǵan jaǵdaıda ǵana ar­tyqshylyqqa ıe bolady.

Komıssııa jumysynyń qorytyn­dysy boıynsha bilim berý granttaryn taǵaıyndaý nátıjeleri jyldaǵydaı «Egemen Qazaqstan», «Kazahstanskaıa pravda» gazetterine jarııalanady.

Aıta keteıik, kóp balaly otba­sy­lardan shyqqan talapkerler men ataýly áleýmettik kómek alýshylar úshin qosymsha 5 myń grant ne­gizgi konkýrstan keıin berilmek. Al jergilikti atqarýshy organdardyń grantyna ótinishterdi qabyldaý 5-10 tamyz aralyǵynda ótedi. Bilim granttaryn taǵaıyndaý 25 tamyzǵa deıin júrgiziledi.

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar