Júrek jutqandary ájeptáýir bıiktikke kóterilip, shyrkóbelek aınalǵandy unatsa, táýekel ete bermeıtinderi qyzyqtaýmen ǵana shekteledi. Jyl ótken saıyn osynda ornalasqan attraksıondar parkiniń áleýettik qýaty artyp, jańa qurylǵylarmen tolyǵyp keledi. Osydan birneshe jyl buryn «Damý» kásipkerlikti qoldaý qory arqyly jeńildikti nesıemen birneshe átkenshek satyp alynsa, endi servıstik qyzmettiń sapasyn jaqsartýǵa bet burǵan tárizdi.
«Mır attraksıonov» JShS-niń dırektory Aleksandr Kozlovtyń aıtýynsha, jańa júıe engizilgeli bir ortalyqtan basqarý múmkindikteri áldeqaıda jeńildegen. Fýnksıonaldy operasııalar «R-Keeper» baǵdarlamasy arqyly atqarylady. Demalýshylar endi ár kassaǵa júgirip, áýre bolmaıdy. Bul da biryńǵaı tólem kartasynyń artyqshylyǵy. 10 mıllıon teńgeniń qurylǵysy paıdamen jumys isteıtinine esh kúmánimiz joq. Qazirdiń ózinde shyǵynymyzdy edáýir azaıtyp otyrmyz, deıdi ol.
Petropavl demalys jáne mádenıet saıabaǵy elimizdegi eń úzdikterdiń qatarynda. Aýmaǵy abattandyrylyp, qaraǵaı, qaıyń, emen aǵashtary jaıqala ósip tur. Kezinde «Hrýstalnoe koleso», «Zolotoı ponı Moskva» sekildi aıtýly halyqaralyq baıqaýlarda júldeger atanǵany tegin bolmasa kerek. Osy sebepti bolar, 32 attraksıon qalalyqtarǵa minsiz qyzmet etip tur. Bir maýsymda orta eseppen 70-75 myńdaı adam serýendeýge keletin kórinedi.
Bir «áttegenaıy», ótken jyldan beri attraksıondyq qondyrǵylardy mindetti sertıfıkattaý talaby engizilgeli sheteldik standarttar jaramsyz bolyp qalypty. Al Qazaqstanda attraksıondyq tehnıkalar shyǵarýmen aınalysatyn kásiporyndar joqtyǵy materıaldyq-tehnıkalyq bazany jańalaýǵa qolbaılaý bolyp otyrǵan tárizdi. Qarajat tabylǵanyna qaramastan...
PETROPAVL
