Qalalyq aýyl sharýashylyǵy jáne veterınarııa basqarmasynyń basshysy Asqar Qanybekov, «Shymkent» ÁKK» AQ tóraǵasynyń orynbasary Rústem Ermenbekov túrkııalyq «UYANIK YATAGANLI» kompanııasy ókilderimen kezdesti.
Ekijaqty kezdesýde kompanııa ókilderi aýyl sharýashylyǵy tehnıkalary óndirisin iske qosý jospary týraly áńgimeledi. Basqarma basshysy A.Qanybekov Shymkent qalasynyń ınvestısııalyq múmkindikterimen, ınvestorlardy qoldaý baǵdarlamalarymen tanystyrdy. Sonymen birge atalǵan jobany agro-ındýstrııalyq aımaqta iske asyrý múmkindigin atap ótti.
О́z kezeginde kompanııa ókilderi aýyl sharýashylyǵy tehnıkalaryna suranys boıynsha taldaý júrgizilip jatqandyǵy týraly habarlady.
Aıta keterligi, atalǵan kompanııa 1969 jyly Túrkııa memleketinde aýyl sharýashylyǵy tehnıkalary óndirisin bastaǵan. Eń áýeli shaǵyn óndiristik alańda aýylsharýashylyq tehnıkalaryn qurastyrýdy, qysqa merzimde turaqty jáne sapaly óndiristi jolǵa qoıǵan. Búgingi tańda agroónerkásiptik keshenge negizdelgen aýylsharýashylyq mashınalaryn shyǵarý men joǵary sapaly qyzmet kórsetýdi jalǵastyrýda.
