Memleket basshysyna holdıngtiń bıylǵy birinshi jartyjyldyqtaǵy qyzmeti men odan ári damý jospary týraly málimet berildi.
Atap aıtqanda, Prezıdentke «Báıterek» holdınginiń «Nurly jol» jáne «Nurly jer» memlekettik baǵdarlamalaryn qarjylandyrýǵa qatysýy týraly baıandady.
Sondaı-aq, Qasym-Jomart Toqaevqa áleýmettik jaǵdaıy tómen toptaǵy azamattarǵa arnalǵan qoljetimdi turǵyn úı qurylysy, ShOB-ty qoldaý, eldiń eksporttyq áleýetin jáne «qarapaıym zattar» ekonomıkasyn damytý, Qazaqstannyń Damý Banki jelisi boıynsha iri jobalardy júzege asyrý jónindegi holdıngtiń atqarǵan jumystary týraly maǵlumat berildi.
Memleket basshysy holdıngtiń negizgi basymdyqtarynyń biri bolýǵa tıis, «Baqytty otbasy» turǵyn úı baǵdarlamasyn sapaly iske asyrýdyń mańyzdylyǵyna nazar aýdardy. Sonymen qatar, Prezıdent shaǵyn jáne orta bıznesti damytý boıynsha holdıngtiń qyzmetin jandandyrýdy tapsyrdy.
