«Halyqqa kómek» jyljymaly aksııasy bastaldy

Alǵashqy keńes berý toby «Aqbulaq» bazarynyń aýmaǵynda qala turǵyndary men kelýshilerdi qabyldady. Aksııanyń maq­saty – Almatyǵa qosylǵan eldi meken­derdiń áleýmettik-ekonomıkalyq damý jaǵdaıyn «Shetsiz qala» konsepsııasy aıasynda ortalyq­pen teńestirý maqsatynda turǵyn­darmen ózara baılanysty arttyrý, turǵyndardyń memlekettik jáne partııalyq qyzmet týraly aqparat alýy men quqyqtyq saýattylyǵyn arttyrý.

Nur Otan partııasy Almaty qalalyq fılıaly tóraǵasynyń birinshi orynbasary, qalalyq máslıhat depýtaty Stanıslav Kankýrovtyń aıtýy boıynsha bul aksııany ótkizý barysynda azamattardy tolǵandyratyn ózekti máseleler anyqtalyp, áleýmettik kıkiljiń týdyratyn oshaqtardyń paıda bolý sebepteriniń aldyn alý qarastyrylady. Aksııa kezinde mobıldi topqa ótinishpen kelgen barlyq azamattarǵa quqyqtyq keńester beriledi jáne olardyń kótergen máseleleri ortalyq ne­me­se jergilikti memlekettik or­gan­dardyń qaraýyna naqty sheshim qabyldaý úshin joldanady.

Almaty qalasy Áleýmettik ál-aýqat basqarmasynyń aqpara­ty boıynsha 2018 jyly áleýmet­tik osal topqa enetin 95,8 myń adam memleket tarapynan qoldaýǵa ıe boldy. «Eńbek» nátıjeli jumyspen qamtý baǵdarlamasy sheńberinde 22,6 myń jumyssyz jan jumyspen qamtyldy. 6,7 myń adam ózge mamandyqqa qaıta oqy­tý kýrsynan ótti. Alǵash ret ju­mys­syz júrgen 100 adamǵa óz kási­bin bastaý úshin 240 myń teńge kó­leminde qaıtarymsyz grant beril­di. Qala ákimdigi men máslı­ha­tynyń qoldaýymen az qam­tyl­ǵan 26 myń azamat 1 mlrd teńge áleý­mettik kómek pen járdemaqy aldy.

Jastar jyly aıasynda qysqa merzimdi kásiptik oqýdan ótken jumyssyzdarǵa 505 myń teńgeden 817 qaıtarymsyz grant berilý­de. Búginge deıin 47 jas maman 252 myń teńgeden grant aldy. 200 aılyq eseptik kórsetkish kólemindegi 2000 grant bólýge qosymsha 1 mlrd 10 mln teńge qarajat jumsaldy.

2019 jyldyń sońyna deıin «Eńbek» nátıjeli jumyspen qamtý baǵdarlamasy sheńberinde 28 myń jumyssyzdy belsendi sharalarmen qamtý josparlanǵan. Jyl sońyna deıin №4 arnaıy Áleýmettik qyzmet kórsetý orta­lyǵyn, Tastaq-1 shaǵyn aýdanynda, Bostandyq jáne Naýryzbaı aýdandarynda Belsendi uzaq ómir súrý ortalyqtary ashylmaq. Sondaı-aq osy toqsanda Alataý aýdanynda «Baqytty otbasy» ortalyǵyn ashý kózdelip otyr.

Aksııa barysynda memle­kettik, quqyq­tyq organdardyń jetek­shi­leri azamattardyń ártúrli suraq­taryna jaýap qaıtaryp, quqyqtyq keńester berdi.

Aksııa turaqty jalǵasatyn bolady.

ALMATY