Qýanysh Asylhanuly Erǵalıev Garvardtyq T.H. Chan atyndaǵy Qoǵamdyq densaýlyq saqtaý mektebiniń tarıhynda Qazaqstannyń atynan atalmysh mektepte bilim alyp jáne qoǵamdyq densaýlyq saqtaý doktory dárejesin qorǵaǵan jalǵyz stýdent. Aıta ketken jón, bul mektep AQSh-taǵy eń iri mektepterdiń biri jáne uzaq ýaqyt boıy u.s. News & World Report reıtıngisinde kóshbasshy orynǵa ıe.
Sonymen qatar Qýanysh Erǵalıev «Bolashaq» Prezıdenttik stıpendııasynyń ıegeri. 2006 jyly ol Almatydaǵy S. Asfendııarov atyndaǵy Qazaq ulttyq medısına ýnıversıtetin támamdap, al 2009 jyly AQSh-taǵy Týleın ýnıversıtetinde Qoǵamdyq densaýlyq saqtaý magıstri dárejesin aldy. Ol Harvard Chan Qualitative Research Methods stýdenttik klýbynyń teń quryltaıshysy jáne qazirgi prezıdenti. Bostondaǵy qazaq dıasporasynyń mádenı ortasyn qalyptastyrýǵa jáne biriktirýge baǵyttalǵan «Mıras» qazaq mádenı ortalyǵynyń teń quryltaıshysy men qazirgi prezıdenti. Densaýlyq saqtaý salasyndaǵy birqatar ǵylymı eńbekterdiń avtory.
Ár jyldary Qazaqstan Respýblıkasy Densaýlyq saqtaý mınıstrliginde jáne Nazarbaev Ýnıversıtetinde basshylyq laýazymdarda qyzmet atqarǵan.
