Al, «Beıbitshilik júgirisi» 22 shilde kúni Ombydan bastaý alyp, tamyz aıynyń 20-syna deıin jalǵasady.Osy aralyqta estafeta qatysýshylary Omby, Novosibir, Altaı óńiri, Pavlodar jáne Shyǵys Qazaqstan oblystarynyń aýmaǵynan júgirip ótpek.
Ǵalamdyq alaý estafetasy jalpy 3,5 myń shaqyrymdy qamtıdy. Sportshylar jolda bir-birin almastyryp otyrady. Ár marafonshy kúnine orta eseppen 15-40 shaqyrymdy baǵyndyrady.
- Men ǵalamdyq alaý estafetasyna altynshy jyl qatysýdamyn. Birneshe eldiń aýmaǵynan júgirip ótip, júzdegen turǵyndarmen júzdesemiz. Bizdi bári de dostyq nıetpen qarsy alady, -deıdi estafeta qatysýshysy, latvııalyq sportshy Gýndega Gaıle.
Al, alaý estafetasy bıyl bizdiń óńirdegi Jelezın, Tereńkól, Aqqýly aýdandary men oblys ortalyǵyn qamtydy.
Marafonshylar Jelezın, Tereńkól aýdandarynan ótip, Pavlodar qalasyna keldi.
Oblys ortalyǵynda «Qazqonaq» tabıǵı eskertkishinde,Memlekettik rámizder, Jeńis saıabaǵyndaǵy máńgilik alaý alańynda aıaldady.
Aqqýly aýdanynda jergilikti turǵyndarmen, jastarmen júzdesip, 30 jyldyq tarıhy bar ǵalamdyq estafetanyń maqsatyn, mańyzdylyǵyn aıtyp berdi.
- Estafetany jalǵastyrýshylar sany kóbeıýýde. Kelesi qatarymyzǵa Jańa Zelandııa eliniń ókilderi qosylady. Alaý estafetasy sport, birlik pen beıbitshilikti, - deıdi ǵalamdyq alaý estafetasynyń úılestirýshisi Aleksandr Arnst.
Bıyl Alaý estafetasy bir ýaqytta birneshe baǵyt boıynsha júrýde.
«Beıbitshilik júgirisiniń» ókilderi-halyqaralyq marafonshylar Tynyq jáne Atlant muhıty araldardaǵy memleketterdiń, Avstralııa, Ońtústik Amerıka, Afrıka elderiniń aýmaǵynan júgirip ótpek.
Pavlodar
Sýretti túsirgen Svetlana Voronova
