Sanaǵa sony serpin, oıǵa jańa lep bergen
Juma, 4 qańtar 2013 7:41
Uly murattarǵa bastaǵan uzaq merzimdi «Qazaqstan-2050» Strategııasynda aldaǵy 38 jylda atqaratyn is-jospar naqty belgilengen. Joldaýdaǵy ár etnos óz tilin, mádenıeti men dástúrin jalǵastyra berýi tıis. Oǵan eshkim tosqaýyl qoıa almaıdy degen sózde kóp mán bar. Sondaı-aq, Joldaýdaǵy daǵdarysqa qarsy toıtarys berý, ekonomıkany arttyrý úshin kásiporyndardyń izdenis pen ilkimdilik tanytýy, shıkizat baǵasynyń quldyraýy kezinde barynsha únemmen jumys isteý jaıly aıtylǵan sózder mańyzdy ári mándi.
Juma, 4 qańtar 2013 7:41
Uly murattarǵa bastaǵan uzaq merzimdi «Qazaqstan-2050» Strategııasynda aldaǵy 38 jylda atqaratyn is-jospar naqty belgilengen. Joldaýdaǵy ár etnos óz tilin, mádenıeti men dástúrin jalǵastyra berýi tıis. Oǵan eshkim tosqaýyl qoıa almaıdy degen sózde kóp mán bar. Sondaı-aq, Joldaýdaǵy daǵdarysqa qarsy toıtarys berý, ekonomıkany arttyrý úshin kásiporyndardyń izdenis pen ilkimdilik tanytýy, shıkizat baǵasynyń quldyraýy kezinde barynsha únemmen jumys isteý jaıly aıtylǵan sózder mańyzdy ári mándi.
Endi óz jumysymyz jaıly birer sóz.Álemniń qaı elinde bolsyn, egemendikke qol jetkizgennen keıin joqtaıtyn, túgendeıtin ulttyq qundylyqtarynyń bolýy zańdy úrdis. Osy tarıhı taǵylymnyń bastaýynda azamattyq qoǵam ınstıtýttary ókilderiniń zııaly qaýymy turady. Osyndaı zııaly top 2000 jyldyń basynda Shyǵys Qazaqstan oblysynda quryldy. Bizdiń aldymyzda keshegi keńestik sanadan arylý, egemen elimizdiń aldyńǵy paryzy men qaryzyn óterlik shyǵys óńirinde perzentter tárbıeleý, memlekettik tilge osqyryna qaraǵan ortanyń nazaryna jol tabý mindetteri turdy. О́skemen qalasyndaǵy ultjandy azamattar «Altyn arqaý» qoǵamdyq birlestiginiń negizin qalady. Jyldar óte kele onyń quramyna oblystyń joǵary oqý oryndary ǵalymdary, oblystyq aqsaqaldar alqasy keńesiniń músheleri, memlekettik til janashyrlary biriktirilip, qoǵamdyq negizde jumys atqaryp keldi. Qazir qoǵamdyq birlestik músheleriniń sany 127 adamǵa jetti. Olar sońǵy on jyl boıy shyǵys óńiri halqynyń birligi men kelisimi, ultymyzdyń tilin, mádenıeti men salt dástúrin damytý men qalyptastyrýǵa belsene qatysyp keledi.
«Altyn arqaý» QB bastamashy bolyp, oblystyq Dostyq úıi etnomádenı ókilderi arasynda qazaq halqynyń úsh báıteregi –Tóle bı, Qazbek bı, Áıteke bı danalyǵyn ulttyq tárbıe taǵylymyna, ultaralyq kelisim men birliktiń nasıhattaý ózegine aınaldyryp keledi. Sóıtip, qalalyq, aýdandyq, oblystyq sahnalarda úsh báıterek kelbeti etnoult ókilderi uıymdastyrǵan sharalardaǵy ataly sózge, ulttyq mazmunǵa jol ashty.
Shyǵys Qazaqstan oblysy boıynsha 1937-1938 jyldary jazyqsyz jazalanǵan 4000-nan astam jerlesterimizdiń derekteri jınaqtalǵan «Azaly kitap» birlestiktiń bastamasymen memlekettik tilde jaryq kórdi.
2000 jyldan bastap «Altyn arqaý» qoǵamdyq birlestigi 40-tan astam oblys mektepteri men eldi mekenderiniń tarıhı atyn qaıtarý qujattaryn jasaýǵa qatysty, zerttedi. Oblysta jańa ataýǵa ıe bolǵan «Atyǵaı asýy», «Aıyrtaý» aýyly, «Raıymbek Marsekov» atyna mektep berý, О́skemen qalasynda Qasym Qaısenovke eskertkish ornatý, taǵy basqa keleli usynystar –«Altyn arqaý» qoǵamdyq birlestigi músheleriniń bastamasy. Aldaǵy ýaqytta Tavrııa, Glýbokoe Shemonaıha, eldi mekenderiniń tarıhı ataýlaryn zertteý sharalary oılastyrylyp otyr.
Elbasy halyqqa óziniń kezekti Joldaýyn arnaǵan kezeńge de kelip jettik. Bılik pen halyqtyń osyndaı jaqyn yntymaqty kezinde memleket quraýshy ulttyń oıdaǵy yntaly sózin aıtýdyń reti kelip tur. Endi osy ýaqytqa deıingi kem-ketik isterimizdi túgendep alýǵa, jiberilgen olqylyqtardyń ornyn toltyrýǵa jol ashylmaqtyǵy anyq. Qazaq halqynyń ózegi bolyp tabylatyn aýyl ómirine baılanysty qolǵa alynatyn sharalar bárimizdiń eńsemizdi kóterip, oıymyzǵa serpilis bergendeı.
Memlekettik til saıasatynyń mártebesi ulttyq sanaǵa jańa lep beredi degen oıdamyz. Osy úrdispen onyń ústemdigine úles qosý mindeti aldymyzda tur. Bılik memlekettik organdar, halyq qalaýlylary – depýtattar bul iste bastamashyl bolady, oǵan azamattyq qoǵam ınstıtýttarynyń ókilderi yqpal etedi degen úmit zor.
Shyǵys Qazaqstan oblysynyń halqy Elbasy Joldaýyna nazar tigip otyr. О́ıtkeni, onyń maqsaty – táýelsiz elimizdiń bolashaǵyn kemeldi ete túsý. «Altyn arqaý» QB músheleri Elbasy saıasatynyń bolashaǵyna tolyq senedi. Oǵan úles qosýdy azamattyq, perzenttik paryzymyz dep bilemiz.
Saǵynbek AQANOV,
«Altyn arqaý» qoǵamdyq
birlestiginiń dırektory.
О́SKEMEN.
