Tilge kózqaras – elge kózqaras

Juma, 4 qańtar 2013 7:43

Elbasynyń bolashaqqa arnalǵan Strategııasy Qazaqstandy jańa beles­ke shyǵarýǵa arnalǵan. Bul qujatta naqty mindetter tujyrymdalyp, ekshelip berilip otyr. Sonyń ishinde Elba­sy­myz memlekettik tilge erekshe qur­met kórsete otyryp, naqty baǵdar kór­setip, mindetter júktedi.

Juma, 4 qańtar 2013 7:43

Elbasynyń bolashaqqa arnalǵan Strategııasy Qazaqstandy jańa beles­ke shyǵarýǵa arnalǵan. Bul qujatta naqty mindetter tujyrymdalyp, ekshelip berilip otyr. Sonyń ishinde Elba­sy­myz memlekettik tilge erekshe qur­met kórsete otyryp, naqty baǵdar kór­setip, mindetter júktedi.

Memleket basshysynyń tilge baılanysty: «Qazaq tili týraly aıtqanda, isti aldymen ózimizden bas­taýymyz kerektigi umyt qalady.Ulttyq múddege qyzmet etý úshin árkim ózgeni emes, aldymen ózin qam­shylaýy tıis.Taǵy da qaıtalap aıtaıyn: qazaq qazaqpen qazaqsha sóılessin», degen qaǵıdatty taǵy da qaıtalap aıtty.

2050 jyly kemeline kelip órken­deý­diń dańǵyl jolyna túsetin Qazaq­standa endi 12-13 jyldan soń jurttyń bári jappaı qazaq tilinde sóıleıtin bolady. Árıne, bul mindetterdiń tolyq oryndalýy úshin barshamyz óz úlesimizdi qosyp, rýhanı kúsh-jigerimizdi aıamaýǵa tıispiz.

Almaty oblysynda memlekettik tilmen qatar barlyq ulttar men ulystardyń tilin, mádenıetin, dás­túrin  damytýǵa múmkindik jasalǵan. О́zge ult ókilderiniń qazaq tilin meńgerýge nıet bildirýi artyp keledi. Eń bastysy, barlyq ult ókilderi bir-birimen til tabysyp, bereke-birlikte ómir súrip jatyr.

Joldaýda Elbasymyz: «Qazir biz balalarymyz qazaq tilimen qa­tar orys jáne aǵylshyn tilderin de belsendi meńgerý úshin jaǵdaı ja­saýǵa sharalar qabyldap jatyrmyz. Úshtildilik memlekettik deń­geı­de yntalandyrylýy kerek», dep álemdik deńgeıdegi elderdiń qa­ta­ry­na jetýdegi tildi meńgerýdiń joǵary talabyn qoıdy. Bizdiń oblys ortalyǵynda tilderdi damytýdyń memlekettik baǵdarlamasyn oryndaý úshin «Úshtuǵyrly til» mádenı jo­basyn júzege asyrý maqsatynda 2010 jyldan orys tili men aǵylshyn tili kýrstary ashylǵan. Memlekettik qyzmetshilerge qazaq tilin oqytýdy uıymdastyrý óńirimizde turaqty júrgizilýde. Búgingi kúni oblys­ta memlekettik tildi, sondaı-aq orys jáne aǵylshyn tilderin tıimdi meń­gerýde eń úzdik, ınnovasııalyq ádis­temelikterdi, tájirıbelik oqý-quraldaryn, aýdıo-beıne materıaldardy qoldanýdyń tyń bastamasy qolǵa alynyp otyr.

Ulttyq qundylyqtarymyzdy saqtaı otyryp, aldyńǵy qatarly 30 eldiń qataryna qosylý mindeti bizdiń barlyq bilimimiz ben biliktiligimizdi jumsap, nátıjeli jumys isteýimizdi qajet etedi. Memlekettik tilge baılanysty Elbasymyz erekshe ekpinmen: «Qazaq tili jappaı qoldanys tiline aınalyp, shyn mánindegi memlekettik til mártebesine kóterilgende, biz elimizdi QAZAQ MEMLEKETI dep ataıtyn bolamyz», dedi ǵoı. Biz osy abyroıly mindetti oryndaýǵa tıispiz.

Táńirbergen QASYMBERKEBAEV,

Almaty oblysynyń

tilderdi damytý jónindegi

basqarmasynyń bastyǵy.