Alǵashqy aınalymda ol 15 jastaǵy amerıkalyq Korı Gaýffty san soqtyrdy. Bir saǵatqa sozylǵan báseke 6:4, 6:2 esebimen aıaqtaldy. Ekinshi kezeńde jerlesimizdi ýkraınalyq Lesıa Sýrenko kútip tur. 30 jastaǵy Sýrenko álemdik reıtıngte 35-orynda bolsa, Zarına Dıas qazirgi tańda TOP-100 tennısshiniń ishinde 84-satyǵa ornalasqan. AQSh-taǵy Citi Open týrnıriniń alǵashqy aınalymynda Lesıa qytaılyq Iаfan Vandy 6:3, 6:2 esebimen qapy qaldyrǵan.
Eske sala keteıik, amerıkalyq Korı Gaýff bıylǵy Ýımbldon týrnıriniń basty sensasııasyn jasaǵan edi. Ol týrnırdiń eń jasy kishi qatysýshysy atanyp qana qoımaı, negizgi kezeńde amerıkalyq áıgili tennısshi Vınýs Ýılıamsty jeńip, aıdy aspanǵa bir-aq shyǵarǵan bolatyn.
