Sybaılas jemqorlyqqa qarsy sharalar bekitildi

Bul oraıda mınıstrdiń tóraǵa­ly­ǵymen mınıstrlikte sybaılas jem­qorlyqqa qarsy shtab quryldy. Mı­nıs­trliktiń ár bólimshesinde sybaılas jemqorlyqqa qarsy konsýltant (qoǵamdyq negizde qatardaǵy qyz­met­kerlerdiń arasynan) ınstıtýty engiziledi. Konsýltanttyń negizgi min­deti – bólimshe jumysyndaǵy sybaı­las jemqorlyq qaterin taldaý. Sondaı-aq azamattardan mınıstrlikke keletin ótinishter men shaǵymdardy sybaılas jemqorlyq qaterin anyqtaý úshin taldaý kúsheıtiledi. Koll-ortalyq fýnksıonalymen sybaılas jemqorlyqqa qarsy is-qımyl máselesi jónindegi kópfýnksııaly jobalaý ofısi uıymdastyrylady. Sy­baı­las jemqorlyqqa qarsy is-qımyl or­gandarymen birlesip, sybaılas jem­qor­lyqqa qarsy tózimsizdikti kúsheı­týge arnalǵan sharalar turaqty túrde ótki­ziledi.

Bul oraıda qolǵa alǵan is-qımyldyń ashyqtyǵyn qamtamasyz etý maqsatynda azamattyq qoǵam ınstıtýttarymen sybaılas jemqorlyqqa qarsy is-qı­myl qarym-qatynasy kúsheıtiledi. Kásip­kerlikti qoldaýdyń memlekettik baǵdar­lamasyn qosa alǵanda, mınıstrliktiń ká­sipkerlerge kórsetetin qyzmetteri sıfr­landyrylady. Sonymen birge kópte­gen saraptaý jáne qoǵamdyq uıym­dardy tartý arqyly atalǵan ve­domstvonyń zań jobalaryna sybaılas jemqorlyqqa qarsy saraptama jasaý qyzmeti kúsheıedi. Monopolııaǵa qarsy jáne statıstıkalyq vedomstvolardyń aýmaqtyq bólimsheleri basshylarynyń áleýmettik jelidegi jeke paraqshalary ashyldy. Osy saladaǵy halyqtyń jáne kásipkerlerdiń máseleleri barynsha jedel sheshilýde.