ALYPTAR MEN ALYMDYLAR

Osy aptada Astana tórinde Boks federasııasynyń uıymdastyrýymen eki kúnge sozylǵan baıraqty báseke ótti.Buǵan deıin elimizde ótken ha­lyqaralyq týrnırlerge osynshama mán berilgenin kórgenimiz joq desek, artyq aıtqandyǵymyz emes. Muny aldymen Boks fe­de­ra­sııa­synyń tizginin Tımýr Qu­ly­baevtyń ustaǵaly beri elimizde osyndaı básireli básekelerdi ótkizýge, sport­­tyń osy túrin damytýǵa ba­ryn­sha nazar aýdarylyp jat­qandyǵymen baılanystyrýǵa bolady. Sonymen birge, sońǵy kezderi elimizde boks syndarynyń qy­zyqty jáne tartysty ótýine ulttyq quramanyń jańadan ja­saq­talyp, onyń basshylyǵyna kelgen Myrzaǵalı Aıtjanovtyń bylǵary qol­ǵap sheberlerin túrli báse­ke­lerge qa­tystyryp, olardyń  júl­deniń neshe túrlerin qanjyǵasyna baılap ákelip jatqandyǵynyń da ózindik sebebi bar desek qate­les­pes­piz. Al endi osy je­­tide Astana tó­rinde eki kún boıy kerilgen shar­shy alańda ót­ken aı­qas­tarǵa keler bol­­­saq, bul týr­nırge buǵan deıin habar­la­ǵa­ny­myz­daı, Qa­zaq­stan, Ázirbaıjan, О́zbekstan men Ýkraına qu­ra­ma­lary qatysyp, AIBA erejesi boıynsha 11 salmaq dárejesinde qol­ǵap túıistirdi. Bul báseke olımpıalyq júıe boıynsha ótti. Onda eki jupqa bólingen tórt komanda týrnırdiń alǵashqy kúni bir-birimen kezdesip, sodan keıin qarsylastaryn upaı sany boıynsha jeńgen quramalar kelesi kúni ózara kúsh synasty. Sóıtip, birinshi kúngi aıqasta Ázirbaıjan men О́zbekstan, Ýkraı­na men Qazaqstan koman­da­la­ry kezdesti. Bul synda ala taqııaly aǵaıyndar Qap taýynyń eteginen kelgen qonaqtardy 7:4 esebimen jeńse, alań ıeleri Ýkraına boks­shy­laryn 10:1 esebimen tize búktirdi. Al ekinshi kúni  úshinshi oryn úshin ótken aıqasta Ýkraına she­ber­leri qazaq boksshylaryna ji­ber­gen esesin Ázirbaıjan qura­ma­sy­nan qaıtardy. Esep – 6:5. Osy kúni týrnırdiń jeńimpazyn anyq­taý úshin bolǵan syn asa qyzyqty jáne tartysty ótti. Bul jekpe-jekterde otandastarymyz bir ǵana salmaq dárejesin eseptemegende sharshy alańǵa ózbek eliniń úmitin arqalap shyqqan boksshylardyń bárin utty. Qorytyndy esep –  9:2. Munda Birjan Jaqyp (48 kg.), Mıras Jaqypov (51 kg.), Danııar Tólegenov (54 kg.), Dýman Álimov (57 kg.), Aıdar Ámirzaqov (60 kg.), Baqytjan Qojabekov (69 kg.),  Almat Serimov (81 kg.), Vasılıı Levıt (91 kg.) óz salmaq dáre­je­le­rinde aıqyn basymdylyq tanytsa, asa aýyr salmaqta aıqasqan Rýslan Myr­sa­taev qarsylasyn no­kaýtpen jeńdi. Sóıtip, eki kúnge sozylǵan týrnırdiń qorytyndysy boıynsha Dýman Álimov básekeniń eń úzdik boksshysy ataǵyna ıe boldy. Dastan KENJALIN, Sýretterdi túsirgen  Orynbaı BALMURAT.