О́ndiristiń bul túrimen Petropavl aýyr mashına jasaý zaýyty aınalysady. Sóıtip kórshi Reseıge eksporttalatyn bolady. Elimiz ben jaqyn shetelde teńdesi joq jobany júzege asyrý tájirıbeli ujymǵa senip tapsyrylǵan. Qazir mamandar temirjol vagonynyń qanqasyn daıyndaýǵa qyzý kirisip ketken.
«Vagonnyń ár bólshegin bólek-bólek daıyndaımyz. Ramaǵa kýzovty bekitemiz, tejegish qondyrǵysyn ornatamyz. Ishin polıýretandy jabyndymen qaptaımyz. Eń bastysy, aýa ótpegeni mańyzdy», deıdi bas dánekerleýshi Aleksandr Devısenko.
«Petropavl aýyr mashına jasaý zaýyty» AQ-nyń bas dırektory Vadım Shaqshaqbaevtyń sózine qaraǵanda,vagonnyń qyzmet etý merzimi – shırek ǵasyr. Syıymdylyǵy – 145 tekshe metr. Onyń ishine salynǵan ónim 10 kúnge deıin búlinbeıdi.
Mamandar vagon jasaý tehnologııasyn tez-aq meńgerip alypty. Jumysshylar aıyna 50-60 termos-vagon ázirleýge qaýqarly. Qazir kásiporynda jańǵyrtý jumystary da júrgizilýde. Jańa qondyrǵylar ornatylyp, óndiris kólemin arttyrýǵa múmkindik týdyrylady.
Derekterge súıensek, sońǵy termovagondar osydan 30 jyl buryn Germanııada jasalypty. Reseı tarapynan zaýyt shyǵaratyn ónimge suranys joǵary bolatyn syńaıly. Birqatar kompanııalarmen qyzyǵýshylyq tanytyp otyr.
Kásiporyn basshylyǵy vagondarǵa arnaıy GPS ornatýdy da josparlap otyr. Sonda ónimin jibergen kompanııalar taýardyń qaıda jáne qandaı temperatýrada ekenin baqylaı alady.
Soltústik Qazaqstan oblysy
