Aldymen aımaq basshysy «Batys Qytaı – Batys Evropa» avtojolynyń boıynda salynyp jatqan jolboıy qyzmet kórsetý kesheniniń qurylysymen tanysty. Nysanda 300 oryndyq meıramhana, 150 oryndyq qoǵamdyq tamaqtaný orny, motel, kempıng, saýda-oıyn-saýyq aımaǵy, medısınalyq járdem orny, avtokólikterge tehnıkalyq qyzmet kórsetý stansııasy, janar-jaǵar maı quıý beketi, bólshek saýda jáne avtokólik jýý orny qarastyrylǵan.
Sodan soń «SKZ-U» JShS kúkirt qyshqylyn shyǵarý zaýytyna baryp, jumysshylarymen kezdesti. 2013 jyly qýattylyǵy 420 kVt/saǵat kún elektr stansııasy iske qosylyp, zaýytty elektr qýatymen tolyqtaı qamtamasyz etýde. Kásiporynda jylyna 500 myń tonna, kúnine 1,5 myń tonna ónim shyǵarylady, munda 285 adam jumyspen qamtylǵan.
Oblys ákimi Jańaqorǵan kentinde dene shynyqtyrý-saýyqtyrý sport keshenine bardy. Keshende kúrestiń birneshe túri, taekvondo, aýyr atletıka, shahmat taǵy basqa 7 seksııaǵa 300 jýyq bala qatysýda. Balalarmen 7 jattyqtyrýshy jumys isteıdi.
Jumys sapary aıasynda tabıǵı ýrandy jerasty uńǵylap shaıý ádisi arqyly jylyna 1000 tonna ónim óndiretin, 500 adamdy turaqty jumyspen qamtyp otyrǵan «Baıken-U» JShS kásipornyn aralap kórdi.
Sonymen qatar, aımaq basshysy «Jańaryq-Kelintóbe» baǵytyndaǵy avtojoldyń jaı-kúıimen tanysty. Aıta keteıik, Jańaqorǵan aýdanyndaǵy oblystyq mańyzy bar «Samara-Shymkent-Jańaqorǵan-Túgisken-Kelintóbe» avtomobıl jolynyń 8,7 km-de Jańaryq aýyldyq okrýginiń tusynda ornalasqan apattyq jaǵdaıdaǵy kópirdi kúrdeli jóndeý jumystaryn júrgizýge jobalaý-smetalyq qujattamasy ázirlenip, memlekettik saraptamanyń oń qorytyndysy alynǵan.
Qýanyshbek Dosmaıyluly О́zgent eldimekenindegi memlekettik-jekemenshik áriptestik aıasynda salynǵan dárigerlik ambýlatorııanyń saltanatty ashylý rásimine qatysty. Nysan dárigerlik qabyldaý bólimi, laboratorııa, egý bólmesi, áıelderge keńes berý, erlerdi qaraý bólmesi qyzmetterimen qamtylǵan.
"Qandaı da bir eldimekende áleýmettik nysannyń ashylýy turǵyndar úshin mereke ispetti. Memlekettik-jekemenshik áriptestik arqyly salynǵan bul nysan memlekettiń basty qundylyǵy - halyq densaýlyǵyn jaqsartýǵa jasalǵan qamqorlyq. Búgingi ashylǵan dárigerlik ambýlatorııa sizderdiń ıgilikterińizge qyzmet jasaıdy. Bul ǵımarat birinshiden turǵyndardyń densaýlyǵyn jaqsartýǵa yqpal etse, ekinshiden jergilikti halyqtyń belgili bir bóligin jumyspen qamtıdy, sondaı-aq, ekonomıkalyq ahýalǵa áser etedi. Endi aldaǵy ýaqytta Jańaqorǵan aýdany boıynsha 6 ambýlatorııalyq ortalyq salynady dep josparlanyp otyr",-dedi aımaq basshysy.
Aıta keteıik, búgin Aqúıik eldimekeninde de memlekettik-jekemenshik áriptestik boıynsha boı kótergen dárigerlik ambýlatorııanyń ashylýy rásimi ótti.
Budan ári aımaq basshysy oblystyq olımpıadalar jáne qosymsha bilim berý ortalyǵynda boldy. Qazirgi tańda Arys qalasynan 150 bala Qyzylorda oblystyq bilim basqarmasynyń "Oblystyq olımpıadalar men qosymsha bilim berý ortalyǵynda" tegin demalyp jatyr. Balalar úshin psıhologııalyq trenıngter, taýǵa ekskýrsııalar, túrli úıirmeler uıymdastyrylýda.
Oblys ákimi «Shalqııa-Sınk LTD» AQ kásipornynda boldy. Munda 450 jýyq adam jumyspen qamtylǵan. Ken baıytý kombınatynyń ónimderin gıdrometallýrgııalyq ádispen óńdep, metaldy myrysh pen quramynda qorǵasyn, mys, kúmis jáne basqa da sırek kezdesetin metaldary bar qorǵasyn kegin alý josparlanýda. Ol úshin ken baıytý kombınatynyń janynan metallýrgııalyq zaýyt salynatyn bolady.
Qýanyshbek Dosmaıyluly Jaıylma eldimekeninde №195 mektep-lıseıine baryp, onda aýdannyń jańa oqý jylyna jáne jylý berý maýsymyna daıyndyǵy máseleleri qaraldy. Aımaq basshysy jaýapty mamandarǵa daıyndyq jumystaryna mán berip, der kezinde tıisti sharalardy atqarýdy tapsyrdy.
Jumys sapary Syǵanaq tarıhı qalashyǵyn restavrasııalaý jumystarymen tanysýmen qorytyndylandy. Esterińizge salaıyq, qalashyqqa Q.A. Iаsaýı atyndaǵy Halyqaralyq qazaq-túrik ýnıversıtetiniń ǵalymdary 2003 jyldan bastap arheologııalyq ǵylymı-zertteý jumystaryn júrgizilip keledi. «Mádenı mura» baǵdarlamasy aıasynda júrgizilgen arheologııalyq qazba jumystary nátıjesinde qalanyń shyǵys qaqpasynyń aldynan ǵalym, ıslam dininiń kórnekti ókili Hıssamıdın (XIV ǵ) salǵyzǵan meshit-medresesi tabylyp, topyraqtan tazartylyp, qaıta qalpyna keltirý jumystary júrgizilgen.
24-27 maýsym aralyǵynda Qyzylorda oblysynyń ákimi Qýanyshbek Ysqaqov jumys saparymen Aral, Qazaly, Qarmaqshy jáne Jalaǵash aýdandarynda bolsa, keshe Shıeli aýdanyna baryp, óndiristik jáne áleýmettik nysandarynyń jumysymen tanysyp, jergilikti turǵyndarmen kezdesken bolatyn.
