Qujatqa atarstan musylmandary dinı basqarmasynyń "Halal" standarttaý komıtetiniń tóraǵasy Zıganshın Irek pen Qazaqstan musylmandary dinı basqarmasynyń janyndaǵy "Halal Damý" JShS-nyń dırektory Anýarbek Eljanov qol qoıdy.
Búginde Keden odaǵyna múshe elder arasyndaǵy taýar aınalymnyń 30%-ǵa jýyǵyn "Halal" taǵam ónimderi quraıdy. Onyń bir bóligi Tatarstannan kelip jatyr. Osyǵan oraı eki el sertıfıkattalǵan halal ónimderdi tosqaýylsyz eksportqa shyǵarý jáne ımporttaý úshin jaǵdaı jasaý maqsatynda birlesip jumys istetin boldy.
Bul memorandým negizinde taraptar "Halal" salasyn damytý jolynda birlese kúsh jumyldyryp, birlesip semınarlar, kezdesýler uıymdastyrý, ǵylymı jumystardy atqarý, oqytý, bilim jetildirý semınarlaryn júzege asyrady.
