Qazaqstan Respýblıkasynyń Syrtqy ister mınıstrligi Amerıka Qurama Shtattarynyń, halyqaralyq qaýipsizdikti qamtamasyz etetin eń mańyzdy faktorlarynyń biri bolyp sanalatyn – Orta jáne kishi qashyqtyqtaǵy raketalardy joıý týraly sharttan shyǵý týraly sheshimine baılanysty alańdaýshylyǵyn bildiredi. Ony denonsasııalaý jańa jantalasa qarýlanýǵa ákelýi jáne jahandyq aýqymda aýyr saldary bolýy múmkin.
Qazaqstan Respýblıkasy barlyq taraptarmen Sharttyń saqtalýyn jáne múltiksiz oryndalýyn árqashan qoldaý kórsetip, sondaı-aq ıadrolyq qarýdy tasymaldaý quraldarynyń bútin tobyn joıýǵa jáne Iаdrolyq qarýdy taratpaý týraly sharttyń IV babyna sáıkes ıadrolyq qarýsyzdanýda eleýli progreske qol jetkizýge múmkindik bergen Sharttyń biregeı tarıhı kelisim retinde buljymas qundylyǵyn rastaıdy.
«Qazaqstan qoldaǵy ekijaqty jáne kópjaqty tetikterdiń sheńberinde syndarly kelissózder arqyly bar máselelerdi sheshý úshin taraptar barlyq qajetti kúsh-jiger salady degen úmit artady» delingen mınıstrliktiń málimdemesinde.
