Álem • 05 Tamyz, 2019

О́zbekstan Parlamentiniń spıkeri Nurlan Nyǵmatýlınnen estafetany qabyldady (vıdeo)

52 retkórsetildi

О́zbekstan Olıı Majlısi Zań shyǵarý palatasynyń spıkeri Nýrdınjon Ismoılov Qazaqstan Parlamenti Májilisiniń tóraǵasy Nurlan Nyǵmatýlınnen qazaqtyń uly aqyny Abaıdyń 175 jyldyǵyna arnalǵan chellendjdi qabyldady. Bul týraly QazAqparat tilshisi habarlady. 

«Abaı aqyn ári uly oıshyl bola otyryp, halyqtar arasynda beıbitshilik saltanat qurǵanda ǵana qoǵamnyń negizgi kúshteri: ǵylym, ozyq oılar, mádenıet damıdy dep sanady», - deıdi Olıı Majlıs palatasynyń spıkeri.

Nýrdınjon Ismoılov osy aksııanyń О́zbekstandaǵy Qazaqstan jyly toılanyp jatqan ýaqytqa tuspa-tus kelgenin atap ótti. Spıkerdiń aıtýynsha, bul – qazaq pen ózbektiń máńgi ári shynaıy dostyǵynyń, mádenı ári rýhanı birliginiń sımvoly.

Ol О́zbekstanda jyl saıyn 10 tamyz kúni uly aqynnyń týǵan kúnine oraı saltanatty sharalar uıymdastyrylatynyn, Tashkent memlekettik pedagogıka ýnıversıtetinde «Abaı jáne ózbek ádebıeti» ekspozısııasy ashylǵanyn, oqýshylar men stýdentter arasynda Abaı taqyrybyna shyǵarmalar baıqaýy ótetinin jetkizdi.

Abaıdyń óleńin ózbekshe oqyǵan Nýrdınjon Ismoılov estafetany Qazaqstan Respýblıkasynyń О́zbekstan Respýblıkasyndaǵy Tótenshe jáne О́kiletti Elshisi Darhan Satybaldyǵa joldady.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar