«Sizderdiń qyzmetterińiz jaýapkershilikti talap etedi. Zeınetkerler, stýdentter, balalar, elorda turǵyndary men qonaqtary kún saıyn qoǵamdyq kólikti paıdalanady. Jolaýshylardyń qaýipsizdigi men jaılylyǵy týraly oılaný kerek. Jolaýshylar kóliginiń turaqty jumysy - bul halyqtyń ómir súrý sapasynyń kórsetkishi. Jolaýshylar men júrgizýshilerdiń ózderin jaıly sezinýleri úshin avtobýs parki jyl saıyn jańartylyp otyrady, mysaly, qalanyń jyljymaly quramy 70% jańartyldy, al mamandar avtobýstardy ýaqytyly jóndeýde», - dedi A.Kólginov.
Elordada jolaýshylar kóligi salasynda 3 myńnan astam adam jumys isteıdi. Kún saıyn 900 avtobýs jolǵa shyǵady, 1700 adam júrgizýshi bolyp eńbek etedi. Sońǵy 5 jylda 700-den astam avtobýs satyp alyndy, olarda erekshe qajettilikteri bar adamdardy tasymaldaýǵa arnalǵan pandýstarmen jabdyqtalǵan jáne zamanaýı beınebaqylaý júıelerimen qamtylǵan. Kóshede yńǵaıly qozǵalys úshin ákimdik kóshelerdi jóndeý jumystaryn júrgizýde.
«Qalalyq akselerator aıasynda qurylǵan jumys toby qoǵamdyq kólikti jaqsartyp, jetildirýmen aınalysady. Biz jasyl ekonomıkaǵa kóshýdemiz. Jyl saıyn qala turǵyndarynyń sany ósýde, avtokólikter sany da kóbeıip otyr. Qorshaǵan ortaǵa teris yqpaldy azaıtý kerek. Jyl sońyna deıin biz 100 elektroavtobýs satyp alamyz. Bul tek úlken sharýanyń bastamasy ǵana», - dep atap ótti A.Kólginov.
Elorda ákimi qoǵamdyq kóliktiń basymdylyǵyn arttyrýdyń mańyzdylyǵyn atap ótti. Osylaısha, jeke Bus lane jolaqtarynyń engizilýine baılanysty avtobýstardyń júrý jyldamdyǵy artqanyn atady.
«Eger adamdar qoǵamdyq kólikti erikti túrde paıdalansa, bul qalanyń damýynyń kórsetkishi bolady. Qazirgi kezde Bus lane jolaǵynyń arqasynda avtokólikke qaraǵanda avtobýspen qalaǵan jerge tez jetýge bolady. Budan bólek, bıletterdi berýdiń elektrondyq júıesin engizý avtoturaqtardyń tabysyn 40 paıyzǵa arttyrdy. Sonymen birge, eger ótken jyly qyzmet kórsetý sapasyna 13 myń shaǵym túsken bolsa, osy jyly 21 myńnan astam shaǵym tústi (60%-ǵa ósken). Biz bul kórsetkishti túzetýimiz kerek. Biz qoǵamdyq kóliktiń barlyq qatysýshylaryna jaıly jaǵdaı jasaý úshin jumys jasaımyz, bastysy jolaýshylardyń qaýipsizdigin qamtamasyz etý», - dep basyp aıtty qala basshysy. Qala ákimi kólik qyzmetkerlerine alǵys hattar tabystap, isterine sáttilik jáne otbasylaryna amandyq tiledi.
«Sizderdiń jumystaryńyz ońaı emes. Kez-kelgen aýa-raıynda: qysta qaqaǵan aıazda, jazda kún ystyqta jumysqa shyǵasyzdar. Sizder ıgilikti is jasap jatyrsyzdar. Atqaryp otyrǵan adal qyzmetterińiz, qajyrly eńbekterińiz úshin alǵys aıtamyn», - dedi A.Kólginov.
