Belsendiler bas qosty
Seısenbi, 29 qańtar 2013 7:39
Astanada on-line rejiminde jastar saıasaty máseleleri jónindegi óńirlik basqarmalar jetekshileri jáne respýblıkalyq jastar uıymdary kóshbasshylarynyń qatysýymen kezdesý ótti. 2020 jylǵa deıingi memlekettik jastar saıasaty tujyrymdamasynyń jobasy qaralyp, bolashaqqa maqsat-mindetter belgilengen basqosýǵa elimizdiń Bilim jáne ǵylym mınıstrligi Jastar isi jónindegi komıteti tóraǵasynyń ýaqytsha mindetin atqarýshy Nurlan О́teshev, «Jas Otan» jastar qanatynyń atqarýshy hatshysy Nurlan Sydyqov, sondaı-aq «Qazaqstannyń aýyl jastary», «Jasyl el», «Qazaqstannyń jas depýtattary», «Jas qyran» syndy uıymdar men birlestikterdiń ókilderi qatysty.
Seısenbi, 29 qańtar 2013 7:39
Astanada on-line rejiminde jastar saıasaty máseleleri jónindegi óńirlik basqarmalar jetekshileri jáne respýblıkalyq jastar uıymdary kóshbasshylarynyń qatysýymen kezdesý ótti. 2020 jylǵa deıingi memlekettik jastar saıasaty tujyrymdamasynyń jobasy qaralyp, bolashaqqa maqsat-mindetter belgilengen basqosýǵa elimizdiń Bilim jáne ǵylym mınıstrligi Jastar isi jónindegi komıteti tóraǵasynyń ýaqytsha mindetin atqarýshy Nurlan О́teshev, «Jas Otan» jastar qanatynyń atqarýshy hatshysy Nurlan Sydyqov, sondaı-aq «Qazaqstannyń aýyl jastary», «Jasyl el», «Qazaqstannyń jas depýtattary», «Jas qyran» syndy uıymdar men birlestikterdiń ókilderi qatysty.
Elbasy Jas Otan» jastar qanatynyń II sezinde memlekettik jastar saıasatynyń 2020 jylǵa deıingi tujyrymdamasynyń jobasyn talqylap, jobaǵa óz usynystaryn engizýdi jastar uıymdarynyń kóshbasshylaryna tapsyrǵan edi.
«Ekinshi sezd ótkennen keıin, barlyq óńirlerdi aralap, kezdesýler uıymdastyrdyq. Bul basqosýlarda ár jastyń oı-pikirin tyńdap, olardy eskerýge tyrystyq. Aýyl jastary da úlken sharalardan shet qalmady. Olar da óz problemalaryn aıtyp, usynystaryn jetkizdi. Buǵan qosa, zaýyt, kásiporyndarda eńbek etetin jumysshy jastarmen de kezdesýler uıymdastyryldy», – dedi «Jas Otan» jastar qanatynyń atqarýshy hatshysy Nurlan Sydyqov. Onyń aıtýynsha, el jastary úlken jaýapkershilik tanytyp, memlekettik jastar saıasaty tujyrymdamasyn talqylaýǵa belsendi qatysqan.
«Biz bul jumysqa jastardy kóbirek tartýǵa tyrystyq. Tujyrymdamany talqylaý barysynda jastardyń tarapynan úlken qyzyǵýshylyqty baıqadyq. Olar bul tujyrymdama jastar saıasatynyń túpqazyǵy men ózegi ekenin jaqsy túsinip, ony jan-jaqty syn tezinen ótkizdi», – dedi óz sózinde «Jas Otan» jastar qanatynyń atqarýshy hatshysy.
Kezdesý sońynda jas belsendilerdiń tarapynan túsken usynystar negizinde memlekettik jastar saıasaty tujyrymdamasynyń jobasy ázirlenip, ol Jastar isi jónindegi komıtettiń qaraýyna usynyldy.
Láıla EDILQYZY,
«Egemen Qazaqstan».
