Sondaı-aq Qazaqstan aýmaǵynda «Elbit Systems Ltd.» kompanııasynyń taýarlyq belgisin paıdalanýǵa aıryqsha quqyq beretin lısenzııalyq kelisimge qol qoıyldy.
Qazaqstandyq avıaındýstrııa – áýe apparattaryna tehnıkalyq qyzmet kórsetý, jóndeý jáne olardy jetildirýmen aınalysatyn kásiporyn. Kásiporyndy «Qazaqstan ınjınırıng» UK» AQ jáne «Qamqor Menedjment» JShS birlesip damytýda.
– Bul joba ushý apparattaryn satýdan bólek, olardy jóndeý jáne baptaý jóninen basqa elderge degen táýeldilikti azaıtady. Sonymen birge bilikti otandyq mamandardy daıarlaýǵa jáne jańa jumys oryndaryn ashýǵa da múmkindik beredi, – deıdi «Qazaqstan ınjınırıng» UK» AQ basqarma tóraǵasy Qýanysh Bıshimov.
Qazaqstandaǵy osy ushý apparattaryn yqtımal paıdalanýshylar arasynda júrgizilgen suraý (Qorǵanys mınıstrligi,Ulttyq qaýipsizdik komıtetiniń Shekara qyzmeti, Aýyl sharýashylyǵy mınıstrligi, Ishki ister mınıstrligi jáne munaı-gaz salasynyń kompanııalary, t.b.) otandyq óndiris pen jergilikti tehnıkalyq qyzmet kórsetý bolǵanda ǵana atalǵan ónimge degen suranystyń artatynyn kórsetti.
Sonymen qatar halyqaralyq taldaý da ushý apparattar naryǵynyń jyl saıyn udaıy keńeıip kele jatqanyn baıqatyp otyr.
Q.Bıshimovtiń aıtýynsha, bul kásiporyn Qazaqstanda ushý apparattaryn shyǵarý, tehnıkalyq qyzmet kórsetý jáne jetildirý jónindegi iri ortalyqqa aınalýy kerek. Bolashaqta otandyq ónimdi eksportqa shyǵarý da josparda bar.
Osy jyldyń sońyna deıin ushqyshsyz basqarylatyn ushý apparattaryn shyǵarýǵa arnalǵan qural-jabdyqtardyń alǵashqy partııasy kelip jetpekshi.
