Polısııa departamenti basshylyǵynyń aıtýynsha, polıseıdiń jumys kestesi turaqsyz. Sol sebepti, jumys ýaqytynda basqa da áleýmettik máselelerge alańdamas úshin basshylyq tarapynan osyndaı qoldaý jasaýdy uıǵarǵan.
–90 páterli úıdiń kirpishi qalanýda. Turǵyn úı jınaq banki salymshylary úshin tıimdi múmkindik týyp otyr. Bizge júktelgen tapsyrmalardyń biri ol qyzmetkerlerdi turǵyn úımen qamtamasyz etý bolatyn. Osy baǵytty iske asyrý maqsatynda búgin memorandýmǵa qol qaıyldy. Búginde qyzmetkerler arasynda 255 salymshy bar. Olardyń ishinen iriktelip kelesi jyly kásibı merekemiz qarsańynda 90 januıa baspanaly bolady,–deıdi oblystyq polısııa departamenti bastyǵynyń orynbasary Vıktor Býkreev.
9 qabatty úıdiń qurylysy aǵymdaǵy jyldyń mamyr aıynan bastalǵan. Jospar boıynsha kelesi jyly paıdalanýǵa beriledi dep kútilýde. Polısııa qyzmetkerleri úshin baspanaly bolýdyń jańasha jeńildikteri jasalyp otyr.
–Bul bizdiń bank salymshylary úshin óte tıimdi kelisim bolyp otyr. Sebebi quqyq qorǵaý organdary qyzmetkerleriniń jumysy óte jaýapty qyzmet. Salymshylar burynǵydaı kezekte turyp ýaqyt ketirmeıdi. Bul el kóleminde jasalǵan alǵashqy kelisim.Barlyǵy jaqsy oryndalsa aldaǵy ýaqytta polısııa qyzmetkerlerin baspanamen qamtýdy jalǵastyratyn jospar bar,–deıdi oblystyq turǵyn úı qurylys jınaq bankiniń dırektory Almat Nurahmetov.
Bul polısııa qyzmetkerleri men turǵyn úı qurylys jınaq banki arasynda alǵash ret jasalyp otyrǵan kelisim. Turǵyn úı qurylys jınaq banki jumys berýshilerge óz qyzmetkerliriniń turǵyn úı máselelerin sheshýge járdemdesip otyr. Atalǵan áleýmettik baǵdarlama aıasynda aldaǵy ýaqytta polısııa qyzmetkerlerin 100 paıyz baspanamen qamtý josparlanýda.
