Ondaǵy maqsat – «Ońtústikten – Soltústikke» atty ishki kóshi-qon baǵdarlamasynyń oryndalýymen tanysý. Túrkistan oblystyq qoǵamdyq damý basqarmasynyń bastamasymen ótken kóshpeli jıyn quramynda oblystyq máslıhattyń depýtaty Jańabaı Aǵabekov, qoǵamdyq damý basqarmasy basshysynyń orynbasary D.Júnisov, halyqty jumyspen qamtý jáne áleýmettik baǵdarlamalar basqarmasy basshysynyń orynbasary Nurjan Nurashev, jýrnalıster boldy.
Delegasııany aımaq basshysynyń orynbasary Asqar Saqypkereev qabyldap, teriskeıge qonys aýdarǵan aǵaıyndardyń tynys-tirshiligi jaıly aıtyp berdi.
«Búginge deıin Túrkistan oblysynan 94 otbasy kelip, ornalastyryldy. Jeke kásippen aınalysatyndarǵa barlyq qajetti jaǵdaı jasalyp otyr. Jer telimderi, jeńildikti nesıeler, granttar, sýbsıdııalar beriledi», dedi Asqar Jolamanuly.
Baspasóz máslıhatynda 2015 jyldan bastap qoldanyla bastaǵan baǵdarlamanyń mán-mańyzy erekshe atap ótildi. Soǵan oraı elimizdiń jumys kúshi az soltústik óńirlerine halqy tyǵyz ornalasqan ońtústik aımaqtardan halyqty óz erkimen qonystandyrý, olarǵa qajetti jaǵdaı jasaý týraly úkimettiń arnaıy qaýlysy qabyldanyp, qyzyǵýshylyq arta túsken. Búginge tańǵa deıin qonys aýdarǵandardyń basym bóligi turǵyn úımen, jumysqpen qamtamasyz etilgen. О́z kásibin ashamyn deýshilerge egin, mal sharýashylyǵymen shuǵyldanýshylarǵa jan-jaqty qoldaý jasalady. Atalmysh baǵdarlamaǵa qatysýshylardyń 60 prosentin túrkistandyqtar quraıdy. Atalǵan jumystardy jandandyrý maqsatynda Jetisaı aýdanynda Soltústik oblysynan kelgen jumys berýshilerdiń qatysýymen «О́ńiraralyq bos jumys oryndary» jármeńkesi ótkizildi. Oǵan 650-den astam nıet bildirýshi azamat qatysyp, 3 myńnan astam bos jumys orny usynyldy. Sonymen qatar demeýshiler esebinen 150-ge jýyq nıet bildirýshi Soltústik óńirlerdiń jerimen, turmys-tirshiligimen tanysyp, óz kózderimen kórip qaıtty.
Soltústik Qazaqstan oblysy
