«Tuńǵysh Prezıdent – Elbasynyń Qazaqstan azamattary salaýatty ómir saltyn qalypty túrde saqtaýy kerek», degen tapsyrmasyn negizge ala otyryp, óńirde osymen ekinshi ret merdigerlik qurylys uıymdarynyń arasynda shaǵyn fýtboldan týrnır jalaýyn jelbiretti. Sporttyq shara byltyrdan bastap uıymdastyrylýda.
«Qurylysshylar kúnine oraı bıyl da mını fýtboldan týrnır ótkizip jatyrmyz. Jarysqa qatysýshylardyń barlyǵy qurylysshylar. Jarystyń basty maqsaty jas qurylysshylar arasynda salaýatty ómir saltyn nasıhattaý», deıdi oblystyq qurylys basqarmasy jetekshisiniń orynbasary Ermek Qaraǵaev.
Aıaq dop jarysyna óńirlik merdigerlik uıym múshelerinen quralǵan 8 komanda qatysýda. Úsh kúnge sozylatyn bul doda, kún saıyn eki fýtbol alańynda úsh oıynnan júrgiziletin bolady. Jarys jeńimpazdaryna aýyspaly kýbok jáne 200 myń teńge kóleminde qarjylaı syılyq taǵaıyndalǵan.
«Biz osy jarysqa Aqmola oblysynyń memlekettik sáýlet basqarmasynyń atynan qatysýdamyz. Daıyndyǵymyz óte zor. Búgingi oıynda jeńiske jetemiz degen úmittimiz», deıdi saıysqa qatysýshy Suńǵat Esbolatov.
Sport – deńsaýlyq kepili. Osy sózdi uran etken qurlysshylar tartysty oıyn órnegin kórsetýde. Jarys qortyndysy 8 tamyz kúni belgili bolady.
Aqmola oblysy
