Qoǵam • 07 Tamyz, 2019

Jastarǵa arnalǵan jobalarda baq synańyz

28 retkórsetildi

Prezıdent janyndaǵy Ortalyq kommýnıkasııalar qyzmetinde «Bolashaq» qaýymdastyǵy qolǵa alǵan qos bastama tanystyryldy. Alańǵa jınalǵan spıkerler «Netvorkıng jáne jas­tar uıymdarynyń tájirıbe almasýy» jobasy men «Jastar Otanga» ınnovasııalyq ıdeıalar baıqaýy týraly baıandama jasady.

Alǵashqylardyń biri bolyp sóz alǵan Aqparat jáne qo­ǵam­dyq damý mınıstrligi Jas­tar jáne otbasy isteri ko­mı­­te­tiniń tóraǵasy Madııar Qojah­met atalǵan eki joba da El­ba­sy­nyń bastamasymen ja­rııa­lan­ǵan Jastar jyly aıasynda uıym­das­tyrylyp otyrǵanyn jetkizdi.

«Osy sátti paıdalanyp ataý­ly jylǵa oraı qandaı is-shara­lar atqarylǵanyn aıta ket­kim keledi. Bárińiz biletindeı, Jas­tar jylyndaǵy aýqymdy ju­mys­tardy júrgizýge baǵyttal­ǵan arnaıy Jol kartasy ázir­lenip, bekitilgen bolatyn. Onda jastar máselesi 5 negizgi baǵyt­qa bólinip, sonyń negizinde is-sharalar júzege asyrylyp jatyr. Eń mańyzdysy, turǵyn úı. Qazirgi tańda elimizdegi úsh iri qalada 3 myń jasqa jyl saıyn 3 myń páter berý má­se­lesi qarastyrylýda. Budan bólek jumysshy jastardy daıyndyq kýrstarynan ótkizgen soń, olarǵa óziniń shaǵyn kásibin dóńge­letip áketýi úshin 500 myń teńge­lik grant nemese 3 mln teńge nesıe beriledi», dedi ol. Onyń aıtýynsha, jastardyń azamat­tyq belsendiligin arttyrý maq­satynda Azamattyq bastamalar­dy qoldaý orta­ly­ǵymen birge 50-den asa úkimettik emes uıymdarǵa arnalǵan grant­tar jarııalanǵan. «Sol bólin­gen granttar negizinde bir­qatar bas­tama qolǵa alyn­dy. Solardyń bir parasy – Net­vor­kıng jáne jastar uıym­darynyń tájirıbe almasýy jobasy men «Jastar Otanga» ın­no­vasııalyq ıdeıa­lar baıqaýy», dedi komıtet basshysy.

«Bolashaq» qaýymdas­tyǵy­nyń atqarýshy dırektory Laýra Demesin óz kezeginde atalǵan jobalar tikeleı Aqparat jáne qoǵamdyq damý mınıstrliginiń qoldaýymen júzege asyrylyp jatqanyn tilge tıek etti. Onyń málimdeýinshe, Netvorkıng jáne jastar uıymdarynyń tájirıbe almasý jobasy Qazaqstanda alǵash ret oryndalmaq.

«Bul joba jastarmen ju­mys isteıtin úkimettik emes uıym­­dardyń jastar resýrstyq or­talyq­tarymen (JRO), múddeli mem­lekettik organdarmen ju­mysty jaqsartýy maqsatyn­da is-sharalardy uıymdas­tyrý, memlekettik organdar­men jáne áleýmettik tapsyrys­tar­men jumys týraly tıimdi aqparat pen tájirıbe almasý úshin aımaqtardaǵy jastar­dyń ÚEU-laryn qoldaý men da­mytýdy kózdeıdi. Sondaı-aq tájirıbe almasý jáne jas­tar uıymdarynyń ozyq tájirı­belerin zerdeleý, jastar uıym­darynyń ókilderi úshin trenıngter, sheberlik shyńdaý, semınarlar, dıalog alańdary, Qa­zaqstan men AQSh jastary arasynda qarym-qatynas or­natý boıynsha is-sharalar ótki­zýge baǵyttalǵan», dedi L.De­mesin.

Onyń aıtýynsha, jobaǵa barlyq óńirden myńnan asa adam qatysady. Uıymdastyrýshylar jastardyń bir-birimen baıla­nys ornatýy ońaı bolýy úshin aı­maqtardaǵy ótkizý alańdaryn 5 qalaǵa belgilegen. Olardyń ishin­de ońtústik jastary Shymkentte, batystaǵylar Oralda, shy­ǵys­tyqtar Alma­tyda, sol­tús­tiktegiler Pav­lodarda, al ortalyqtan qatysý­shylar elordada bas qospaq.

«Jobaǵa qatysý úshin bolashak.kz saıtyna kirip, óti­nim­di toltyrý kerek. Shara 19-21 tamyz aralyǵynda ótedi. Al jo­banyń nátıjesinde ÚEU men JRO-­nyń qazaqstandyq táji­rı­besi retinde arnaıy jınaq shyǵady», dedi qaýymdastyqtyń atqarýshy dırektory.

Ekinshi bastama – «Jastar Otanga» ınnovasııalyq ıdeıalar baıqaýy 2017 jyldan beri uıymdastyrylyp keledi.

«Baıqaý halyqtyń iskerlik belsendiligin damytýǵa jáne jumysqa ornalasýǵa, jas­tardyń iskerlik oılaýyna, sondaı-aq ózin ózi júzege asy­rýyna jaǵ­daı jasaýdy maqsat etedi. Bizde jas­tardyń kásip ıgerýine, bız­nes bastaýy­na kóp kóńil bóli­nedi. Osy­ǵan oraı qolǵa alyn­ǵan jobaǵa  Qazaqstannyń bar­­lyq aımaǵynan 18-29 jas ara­ly­ǵyndaǵy jastar qatysa alady. Baıqaýǵa ótinimder
1 shil­­de men 20 qyrkúıek araly­ǵyn­da qabyldanady, sońǵy synǵa ót­ken qatysýshylar tizimi bolashak.kz saıtynda 27 qyr­kúıekte ja­rııalanady. Baıqaý­dyń qory­tyndy kezeńi 2019 jyl­dyń 23-24 qazany kúnderi Al­maty qa­lasynda ótedi», dedi L.Demesin.

Aıta ketelik, qatysýshy eń birinshi saıtqa salynǵan erejemen tolyq tanysyp, onlaın ótinimdi toltyrýy qajet.

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar