Aýmaqta áskerı qyzmetshilerdiń otbasylaryna arnalǵan 104 páterlik turǵyn úı salyndy. Jalpy alǵanda 350-den astam adam turady. Qalashyqtyń aýmaǵy 20 gektardy quraıdy.
Qala ákimimen kezdesý barysynda turǵyndar kóshe jaryqtary, dárihanalar men jaıaý júrginshiler ótpeleri joq ekenin, sondaı-aq qoǵamdyq kólikpen problemalar bar ekenin atap ótti.
Turǵyndardyń aıtýynsha, kóptegen otbasynda balalar ósip keledi, sondyqtan mektepte oryn jetkiliksiz.
«Kelesi jylǵa josparlanǵan jobalyq-smetalyq qujattamany daıyndaý qajet. Aıtqan usynystaryńyz eskeriletin bolady. Máselelerdi Jan-jaqty zertteımiz», dedi A. Kólginov. Áskerı bólimniń aýmaǵynda úsh kazarma, shtab ǵımaraty, kúres jáne jattyǵý zaldary bar eki qabatty sport kesheni, eki ashana, oıyn sport alańdary, mýltımedııalyq atý tıri ornalasqan. Sondaı-aq lazaret, kınologııalyq qalashyq jáne mádenı-saýyq ortalyǵy bar.
