Aımaqtar • 07 Tamyz, 2019

Qyzylorda oblysynda bıyl 29 adam sýǵa ketken

320 ret

kórsetildi

1 mın

oqý úshin

Sýǵa túsý maýsymy bastalǵannan beri saqtyq sharalaryn saqtamaı, qaıǵyly jaǵdaıǵa ushyrap jatqandar az emes. Oblystaǵy sý aıdyndarynda, ásirese Syrdarııa ózeninde azamattardyń ártúrli sebeptermen qaıǵyly jaǵdaıǵa ushyraýy, onyń ishinde sýǵa shomylý maýsymynda sýdaǵy adam qazasy ózekti máselege aınaldy dep habarlaıdy О́ńirlik kommýnıkasııalar qyzmeti.

Baqtııar TAIJAN

Qyzylorda oblysynda bıyl 29 adam sýǵa ketken

О́tken jyly oblys boıynsha sýda 22 adam qaza tapqan. Onyń 8-i balalar. Bul týraly Qyzylorda oblysynyń Tótenshe jaǵdaılar departamenti bastyǵynyń orynbasary, polkovnık Saıd Moldaqaraev jáne Tótenshe jaǵdaılar departamenti «О́rt sóndirý jáne avarııalyq-qutqarý jumystary qyzmeti» memlekettik mekeme bastyǵy, azamattyq qorǵaý podpolkovnıgi Nursultan Ibragımov jýrnalıstermen ótken brıfıngte aıtyldy.

- Bıylǵy 2019 jyldyń basynan 5 tamyzǵa deıin oblys aýmaǵyndaǵy sý aıdyndarynda 29 adam qaza bolǵan. Onyń 12-i bala. Qyzylorda oblysynyń aýmaǵyndaǵy sý aıdyndarynda qaýipti ýchaskelerdiń sany 64, sol jerlerde 163 eskertý taqtaıshalary ornatylǵan jáne sýdaǵy qaýipsizdik boıynsha 60 bılbord ornatyldy,-deıdi Saıd Moldaqaraev.

Atalǵan derekterde anyqtalǵandaı, 12 adam balyq aýlaý kezinde, 20 adam sýǵa túsýge arnalmaǵan jerde batyp, 4 adam abaısyz jaǵdaıda, 2 adam belgisiz jaǵdaıda sýda qaza bolǵan.

Qyzylorda oblysy