Aýǵanstannyń alýan aıshyqty álemi

Aýǵan eli ejelden qolóner sheberlerimen erekshe­lenedi. Atalmysh kórmege Aýǵan­stan­nyń tańdaýly qolóner sheber­leriniń qolynan shyqqan úzdik buıymdar usynyldy.  Olardyń sapynan aǵash oıý, jıhazdy árleý óneri, gravıýramen bezen­dirý, metall qumyralar, zer­ger­lik áshekeıler sekildi óner týyn­dylaryn kez­des­tirdik. Ár buıymnyń ózine tán tylsymy bardaı. Ásirese mys jáne qoladan soǵylǵan ydys-aıaqtar men arnaıy turmystyq rásim­derge arnalǵan buıymdar tań­ǵaldyrmaı turmaıdy.

Kórmede aýǵan eliniń 30 isker kompanııasy jeńil ónerkásip salasy boıynsha óz ónimderin usy­nypty. Atap aıtqanda,  qol­dan to­qyl­ǵan áıgili aýǵan kilem­deri, deko­ra­tıvti kesteler, kıim-keshek, mata­lar, kera­mı­­kalyq buıym­dar, jibek kilemderge sán bergen ár­túr­li geo­­metrııalyq kógeris ór­nek­ter sol halyqtyń tarı­hy­nan syr sher­tip turǵandaı áser­ge qal­­dyra­­dy.

– Tanymy san alýan túrli halyqtardyń dástúrin bir-birine jaqyndastyra túsetin mundaı kórmeler mýzeı qabyrǵasynda jıi uıymdastyrylyp turady. Búgingi kórmeniń basty erek­sheligi – taǵdyr jolynda talaı qıyndyqty basynan ótkerse de moıymaǵan aýǵan eliniń qaı­sar­lyq kelbeti óner arqyly dárip­teldi. Án men jyrǵa, dástúr men muraǵa baı aýǵan halqy ejelden ónerli jurt. Qazaq kórermenderi kórmeni jyly qabyldady, – deıdi Ortalyq mýzeıdiń baspasóz hatshysy Sulýshash Aǵeleýova.

Rasynda da aýǵan áýezderi kórmege kelgen kórermenge samal bop esip, kóńi­limizdi tebirentip turdy.

Saparbaı PARMANQUL

ALMATY