Rásimnen keıin bolǵan suhbat barysynda Elshi suhbattasqa Qazaqstan Prezıdenti Qasym-Jomart Toqaevtyń quttyqtaýyn jetkizdi, Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń bastamasymen 2050 Strategııasy sheńberinde Qazaqstanda júrgizilip jatqan reformalar týraly málimdep, Ońtústik-Shyǵys Azııadaǵy eń iri memleket jáne ekonomıka bolyp tabylatyn Indonezııamen jan-jaqty yntymaqtastyqty damytýǵa qyzyǵýshylyǵyn rastady.
Indonezııa Prezıdenti Qazaqstannyń táýelsizdik jyldary qol jetkizgen jetistikterin joǵary baǵalap, astanany kóshirý jáne Nur-Sultannyń damýy jónindegi qazaqstandyq tájirıbege erekshe qyzyǵýshylyq bildirdi. J.Vıdodo Qazaqstanmen yntymaqtastyqty tereńdetýge múddeliligin rastady jáne Elshige dıplomatııalyq mıssııasynda sáttilik tiledi.
О́z kezeginde D.Sarekenov eki el arasyndaǵy dostyq qatynastardy nyǵaıtýǵa jáne olardy jańa joǵary deńgeıge shyǵarýǵa bar kúshin salatynyna sendirdi.
