Aımaqtar • 08 Tamyz, 2019

Qaraǵandyda qurban malyn soıatyn oryndar belgili boldy

374 ret

kórsetildi

1 mın

oqý úshin

Kenshiler astanasynda Qurban aıt kezinde mal soıýǵa arnalǵan oryndar belgilendi. Qala ákimdiginiń baspasóz qyzmeti habarlaǵandaı, Qaraǵandyda Reznık, S.Seıfýllın, Respýblıka dańǵyly jáne K.Marks kósheleri boıynda ornalasqan, sanıtarlyq talaptarǵa saı keletin alańdarda mal soıýǵa ruqsat berildi.

Qaırat Ábilda

Qaraǵandyda qurban malyn soıatyn oryndar belgili boldy

Qurban aıt kezinde Qazaqstan musylmandary dinı basqarmasynyń Qaraǵandy oblysy boıynsha ókildigi qala meshitteriniń aýmaǵynda tegin taǵamdar men sýsyndar taratyp, túrli syılyqtar úılestirip, qaıyrymdylyq jármeńkesin uıymdastyrady. Sonymen qatar bul kúni ulttyq oıyn túrlerinen sport saıystary men mádenı-saýyqtyrý sharalary ótedi.

Eske salsaq, bıyl Qurban aıt merekesi 11 tamyzda bastalady. Jaǵdaıy jaqsy, dáýletti turatyn musylman balasy úshin qurban shalýdyń mindetti ekeni belgili. Negizi qurbandyqqa túıe, sıyr, qoı, eshki maldary shalynady. Qurban bolǵan janýardyń eti úshke bólinip, bir bóligi muqtaj jandarǵa, ekinshisi kórshilerge nemese dos-jaran men týystarǵa taratylyp beriledi. Al úshinshi bóligi qurban shalǵan adamnyń óz úıinde qalady.

Qaraǵandy oblysy