Alataýdan esken salqyn samalmen tynystap, ashyq aspan aıasynda fılm tamashalaýǵa kelgen turǵyndar uıymdastyrýshylarǵa dán rıza. Bul kóńil-kúıdi kóterip, janyńa jylylyq syılaıdy deıdi qala jurtshylyǵy.
«Atalǵan sharanyń bastalǵanyna 4 apta boldy. Tamyz aıy boıy jalǵasyn tabady. Endigi jumadan bastap bizdiń jobamyz keńeıip jatyr. Onyń da grafıgi jaqynda jarııa bolady», – dedi «Almaty bas jospar» ǵylymı-zertteý ınstıtýty basshysynyń orynbasary Qýat BAIYROV.
Eske salsaq, almatylyqtar ár senbi saıyn otandyq kınotýyndylardy tamashalaı alady. Kórsetilimniń turaqty ótetin orny Abaı dańǵyly, Gagarın men Jarokov kósheleriniń ortasynda. Tolyq aqparatmen Q-Lab qalalyq jobalar zerthanasynyń feısbýktaǵy paraqshasy arqyly tanysýǵa bolady.
