Adal eńbek abyroıǵa bóleıdi
Juma, 29 naýryz 2013 1:39
Qaı kezde de adamdy adam etetin adal eńbektiń qundylyǵy joǵalmaıdy. Ásirese, qazirgi básekelestik óristegen shaqta eńbek naryǵynda suranysqa ıe mamandardy qalaı jáne qaıda daıyndaǵan jón? Memleket tarapynan mamandardy qaıta daıarlaýdyń tıimdiligi bar ma? Shaǵyn jáne orta bıznesti qarqyndy damytý baǵytyndaǵy qadamdar jemisin bere me? «Nur Otan» HDP Tóraǵasynyń birinshi orynbasary Baýyrjan Baıbektiń Atyraý oblysyna jumys sapary kezinde osy máselelerge basa nazar aýdaryldy.
Juma, 29 naýryz 2013 1:39
Qaı kezde de adamdy adam etetin adal eńbektiń qundylyǵy joǵalmaıdy. Ásirese, qazirgi básekelestik óristegen shaqta eńbek naryǵynda suranysqa ıe mamandardy qalaı jáne qaıda daıyndaǵan jón? Memleket tarapynan mamandardy qaıta daıarlaýdyń tıimdiligi bar ma? Shaǵyn jáne orta bıznesti qarqyndy damytý baǵytyndaǵy qadamdar jemisin bere me? «Nur Otan» HDP Tóraǵasynyń birinshi orynbasary Baýyrjan Baıbektiń Atyraý oblysyna jumys sapary kezinde osy máselelerge basa nazar aýdaryldy.
О́ıtkeni, elimizde joǵary oqý ornyn bitirgen jastar qapelimde turaqty jumysqa ornalasa almaıdy. Jumys berýshilerdiń barlyǵy derlik, ásirese, óńirde qarqyndy damý jolyna túsken munaı-gaz ónerkásibindegi otandyq, sheteldik kásiporyndar joǵary oqý ornyn bitirgen jastardan úsh ne bes jyldyq eńbek ótili bolýyn talap etedi. Nemese, shet tilin meńgerýi suralady. Qalaı degende jas mamandy jumysqa qabyldamaýdyń san túrli aıla-sharǵysy jasalady. Joǵary oqý ornyn bitirgenin dáleldeıtin dıplomy bolsa da, turaqty jumys taba almaı qınalǵan jas mamannyń biri – Áset Murzabaev. Endi ol «Jumyspen qamtý-2020» baǵdarlamasy» aıasynda ekinshi mamandyq alýdy kózdep, Atyraýdaǵy ındýstrııalyq kolledjge oqýǵa túsipti. Qazir elektr jóndeýshi mamandyǵyn meńgerýde.
– Osy kolledjde alǵan bilimim aldaǵy ýaqytta turaqty jumysqa ornalasýyma jol ashady dep oılaımyn. Memleket biz sekildi jastardyń bolashaǵy úshin «Jumyspen qamtý-2020» baǵdarlamasyn iske asyrýdy qolǵa alǵanyna qýanyshtymyn. Ekinshi mamandyqty meńgerýim – osy baǵdarlamanyń jemisi, –deıdi Áset Murzabaev.
Indýstrııalyq kolledjdiń búgingi eńbek naryǵynda úlken suranysqa ıe san alýan mamandyq ıelerin daıyndaýyna tolyq múmkindigi bar. Oqý ornynyń materıaldyq-tehnıkalyq bazasy jańa dáýirdiń ozyq tehnologııasymen jabdyqtalyp, dýaldi oqytý júıesi de engizilgen. Sońǵy 3 jylda bul oqý ornyn 3400 maman bitirip, onyń 90 paıyzy jumysqa ornalasqan. Olardyń ishinde argonmen dánekerleýshiler, qubyr qurastyrýshylar men qurylysshy sekildi aımaqtaǵy iri jobalarǵa qajetti mamandar daıarlanǵan. Máselen, Naýryzbek Aıtpaev eki mamandyqty meńgerip, shaǵyn jáne orta bıznes salasyndaǵy mekemege elektrshi bolyp jumysqa ornalasypty. Jas maman qazir 100 myń teńgedeı tabys tabady. «Men de «Jumyspen qamtý-2020» baǵdarlamasymen qubyr qurastyrýshy mamandyǵyn alǵan edim. Alaıda, ekinshi mamandyqty meńgerý qajet boldy. Sóıtip, atalǵan baǵdarlama arqyly elektrshi mamandyǵyn aldym», deıdi kolledj túlegi N.Aıtpaev.
О́rimdeı jastardyń eńbekke ornalasýyna «Nur Otan» HDP-nyń jańa doktrınasynda basymdyq berilgen. Atyraýdaǵy ındýstrııalyq kolledjdiń maman daıarlaý úderisimen tanysqan partııa Tóraǵasynyń birinshi orynbasary jas býyndy eńbekke baýlýdyń mańyzdylyǵyna aıryqsha toqtaldy. «Bizdiń ulttyq ýnıversıtetterdiń maman daıarlaý sapasy jaqsaryp keledi. Biraq, joǵary oqý ornyn bitirgen jastardyń bári birdeı jumys taba ala ma? Osy máseleniń ońtaıly sheshilýin aldyn ala oılastyrý qajet. Árıne, jastar abyroıǵa bólenemiz, bıikke kóterilemiz dese, oǵan tek qana bilimniń, adal eńbektiń arqasynda qol jetkizetinin umytpaýy qajet. Sol sebepten, biz partııanyń doktrınasynda adal eńbek qundylyǵyna basa nazar aýdaryp otyrmyz», dedi B.Baıbek.
Bilikti mamannyń tek iri kompanııalarǵa ǵana emes, sonymen qatar, shaǵyn jáne orta bıznes salasyna da qajettigin kásipkerler joqqa shyǵarmaıdy. Sol sebepten ár saladan násip tabatyn kásipkerler arnaýly orta oqý oryndarymen baılanys ornatyp, jastardyń teorııalyq bilimin tájirıbemen ushtastyrýyna múmkindik jasaýǵa kóshipti. Sondaı mekemeniń biri – «Alıans-SK» seriktestigi memlekettiń qoldaýyn da sezinip otyr eken. Seriktestiktiń atqarýshy dırektory Andreı Tıpakovtyń aıtýynsha, 2011 jyly plastıkalyq terezeler shyǵaratyn qondyrǵyny iske qosý úshin «Damý» kásipkerlikti qoldaý qory arqyly nesıe alypty. Sonyń nátıjesinde daıyn ónim shyǵarý kólemin 2,5 esege arttyrypty. О́tken jyly 400 mıllıon teńgeniń ónimin shyǵarǵan bul mekemede qazir 79 adam turaqty jumyspen qamtylypty.
«Nur Otan» HDP Tóraǵasynyń birinshi orynbasary Mahambet aýdanynyń jastarymen de kezdesti. Munda da el erteńi – jastardy tárbıeleý máselesi áńgime ózegine aınaldy. Eń bastysy – jastardy otanshyldyqqa tárbıeleý. Árıne, onyń joldary san alýan. Qarapaıym eńbek adamynyń tájirıbesin nasıhattaý arqyly eldiń órkendeýine úles qosýdyń mańyzdylyǵyn uǵyndyrýǵa bolady emes pe? B.Baıbek qorshaǵan ortaǵa janashyrlyqtyń úlgisin «Jeńis baǵyna» jas kóshetter otyrǵyzý arqyly kórsetti.
Joldasbek ShО́PEǴUL,
«Egemen Qazaqstan».
Atyraý oblysy.
