Bizdiń bolashaǵymyz jastar. Sondyqtan, úlken sportta urpaqtar sabaqtastyǵy bolǵany abzal. Biz bar bilgenimizben jas býynǵa bólissek, bizden keıingiler de tájirıbesimen bólisip, kishige úıretip otyrady dep senemin. Osyndaı ashyq kezdesýler balalardyń sportqa degen qulshynysyn odan ári oıatyp, jigerlendiretini anyq, - deıdi Eldos.
Chempıonmen kezdesýge tek qana sportshylar emes, olardyń ata-analary men Eldostyń elordadaǵy jankúıerleri de jınaldy.
Elimizde dzıýdo óte qarqyndy damyp kele jatyr. Búginde eresekter, jastar, jasóspirimder quramasynyń bárinde aýyz toltyryp aıtarlyqtaı jetistikter bar. Olardyń barlyǵy ata-analardyń balaǵa durys jol baǵyttap, jattyqtyrýshylardyń balalarmen tyńǵylyqty jumysynyń nátıjesinde dep oılaımyn, - degen Smetov sportta tek sportshy emes, ata-ana men jattyqtyrýshylardyń da eńbegi orsan zor ekenin atap ótti.
Kezdesý sońynda QR Eńbek sińirgen jattyqtyrýshysy Bolat Danııarov bastaǵan bir top bapkerler quramy Eldosqa alǵysyn aıtyp, shapan jaýyp, aldaǵy álem chempıonatyna sáttilik tiledi. Aıta keterligi, Eldos Smetov 25 tamyz – 1 qyrkúıek arasynda Japonııanyń Tokıo qalasynda ótetin dzıýdodan Álem chempıonatyna qatysady.
