Jobanyń negizgi maqsaty salyq tóleýshilerdiń salyq tóleý mádenıetin kóterý, salyq týraly zań talaptaryn oryndaý, kóleńkeli ekonomıkadan tabys kólemin shyǵarý jáne memlekettik kiris salasyndaǵy memlekettik organdar tarapynan jasalatyn tekseristerdi azaıtý.
Memorandýmǵa sáıkes, jalǵa berý týraly kelisim-shart jasaý barysynda jalǵa berýshi tarap jalǵa alatyn tarapta kelesi qujattardyń bolýyna nazar aýdarýy tıis:
- Memlekettik kiris organdarynda mindetti túrde tirkelýi;
- Onlaın-KKM, POS-termınaldardy mindetti túrde qoldanýy;
- Jaldamaly jumysshylardyń árbirimen eńbek kelisim-sharttarynyń bolýy;
- Alkogoldy ónimderdi saqtaý men satýǵa lısenzııalardyń bolýy.
Budan bólek, Baıqońyr aýdandyq Memlekettik kirister basqarmasy jalǵa alýshylar arasynda qoldanystaǵy salyq zań talaptaryn túsindirý jumystary men semınarlar ótkizýdi josparlap otyr.
Salyq kezeńiniń qorytyndysy boıynsha, Baıqońyr aýdandyq Memlekettik kirister basqarmasy salyq tóleýshilerdiń derekqoryn basqarý jumystaryn júrgizbek. Zańbuzýshylyq faktileri anyqtalǵan jaǵdaıda eskertý qaǵazdary bazarlar men saýda ortalyqtarynyń ákimshilikterine olqylyqtardy joıý úshin jiberiledi. Eger salyqtóleýshiler zańbuzýshylyqty joıýdan bas tartsa, Memorandýmǵa sáıkes, olarmen jasalǵan jalǵa berý kelisim-sharty óz kúshin joǵaltýy múmkin.
