Úkimet • 12 Tamyz, 2019

Asqar Mamın Túrikmenstanda I Kaspıı ekonomıkalyq forýmyna qatysty

73 retkórsetildi

QR Premer-Mınıstri Asqar Mamın I Kaspıı ekonomıkalyq forýmyna qatysý úshin jumys saparymen Túrikmenbashy qalasyna bardy. Bul týraly primeminister.kz habarlady. 

Forýmnyń plenarlyq otyrysyna Túrikmenstan Prezıdenti G. Berdymýhamedov, Reseı Úkimetiniń Tóraǵasy  D. Medvedev, Ázerbaıjan Premer-Mınıstri N. Mamedov, Irannyń birinshi vıse-prezıdenti E. Djahangırı, sondaı-aq, О́zbekstan Premer-Mınıstri A. Arıpov pen Bolgarııa Premer-Mınıstri B. Borısov qatysty.

Forým jumysy aıasynda Qazaqstan Premer-Mınıstri Asqar Mamın men Túrikmenstan Prezıdenti Gýrbangýly Berdymýhamedovtyń jumys kezdesýi ótti, onda eki el arasyndaǵy saýda-ekonomıkalyq yntymaqtastyqty odan ári damytý máseleleri talqylandy. 2019 jyldyń birinshi jarty jyldyǵynda Qazaqstan men Túrikmenstan arasyndaǵy taýar aınalymy $68 mln qurady, bul ótken jyldyń sáıkes kezeńiniń kórsetkishterinen 2,2 esege joǵary. Taraptar shekara mańy aımaqtary arasyndaǵy yntymaqtastyqty nyǵaıtýdyń mańyzdylyǵyna toqtalyp ótip, mashına jasaý, hımııa ónerkásibi, metallýrgııa, aýyl sharýashylyǵy, týrızm, kólik, gaz salalaryndaǵy ekijaqty ózara is-qımyldy keńeıtýdiń úlken áleýeti bar ekenin atap ótti.

QR Premer-Mınıstri Asqar Mamın óziniń sóılegen sózinde ekonomıkalyq forýmdy ótkizý 2018 jylǵy 12 tamyzda Aqtaýda ótken Sammıt kezinde qol jetkizilgen, Kaspıı mańy memleketteriniń basshylarynyń ýaǵdalastyqtaryn iske asyrý joly ekenin atap ótti. QR Tuńǵysh Prezıdenti – Elbasy N. Á. Nazarbaevtyń tóraǵalyǵymen ótken Aqtaý sammıti barysynda Kaspıı teńiziniń quqyqtyq mártebesi týraly tarıhı konvensııaǵa qol qoıyldy.

Kaspııde ózara is-qımyldyń tıimdiligin arttyrý Qazaqstannyń jaǵalaý mańyndaǵy óńirlerin, kólik jáne energetıka ınfraqurylymyn damytýǵa, ekologııalyq teńgerimdi jáne bıoalýantúrlilikti saqtaýǵa oń áserin tıgizedi, al bul QR Prezıdenti Q. K. Toqaevtyń Kaspıı mańy memleketteriniń yntymaqtastyǵyn damytý týraly nusqaýlaryna tolyqtaı sáıkes keledi.  

Asqar Mamın Kaspıı mańy memleketteriniń saýda-ınvestısııalyq, kólik, energetıka, týrzım jáne ekologııa salalaryndaǵy ózara tıimdi yntymaqtastyǵyn jandandyrýǵa qajet birqatar bastamany usyndy.

Qazaqstan Úkimetiniń basshysy aımaq elderine ınvestısııalar tartý úshin qolaıly jaǵdaılar jasaý qajettigin atap ótti, sonyń ishinde «Astana» halyqaralyq qarjy ortalyǵy men Erkin saýda aımaqtary týraly áreket etip turǵan kelisimderdiń múmkindikterin paıdalana otyryp jaǵdaı jasaý qajet.

Asqar Mamın kólik júıeleriniń fýnksıonaldyq tolyqtyrylýyn jaqsartý jáne mýltımodaldy tasymaldar tıimdiligin arttyrý boıynsha usynystaryn jetkizdi. Sonymen qatar, Kaspııde týrızmdi damytý perspektıvalary da atalyp ótti. Kaspıı teńiziniń shıpajaılary jyl saıyn birneshe mıllıon týrıstti qabyldaı alady.

Qazaqstan tarapy Kaspıı teńiziniń ekojúıesin saqtaý jumystaryn kúsheıtý qajettigine basa kóńil bóldi. Qazaqstanda qurylǵan Halyqaralyq jasyl tehnologııalar men ınvestısııalyq jobalar ortalyǵy taza tehnologııalardy engizýdiń tabysty platformasyna aınala alady.

Sonymen qatar, Qazaqstan Úkimetiniń basshysy Asqar Mamın Iran Islam Respýblıkasynyń birinshi vıse-prezıdenti Eshak Djahangırımen kelissózder ótkizdi, onda ekijaqty saýda-ekonomıkalyq yntymaqtastyqtyń ózekti máseleleri talqylandy.

Kúnniń ekinshi jartysynda Asqar Mamın Túrikmenbashy qalasynyń teńiz portyndaǵy Halyqaralyq Kaspıı ınnovasııalyq tehnologııalar kórmesine bardy.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar