QR Premer-Mınıstri Asqar Mamınniń tóraǵalyǵymen ótken Úkimet otyrysynda QR 2019 jylǵy qańtar–shildedegi áleýmettik-ekonomıkalyq damý jáne respýblıkalyq bıýdjettiń oryndalý qorytyndysy shyǵaryldy.
Ulttyq ekonomıka mınıstri R. Dálenov 2019 jyldyń jeti aıynyń qorytyndysy boıynsha JIО́ oń qarqyny saqtalǵanyn aıtty, ósim 4,2% qurady.
«Serpin ónerkásiptegi, qurylystaǵy jáne kórsetiletin qyzmetter salasyndaǵy jedeldeýmen, sondaı-aq aýyl sharýashylyǵy men negizgi kapıtalǵa salynǵan ınvestısııalardyń turaqty qarqynymen qamtamasyz etildi», — dedi R. Dálenov.
QR Ulttyq ekonomıka mınıstrliginiń derekteri boıynsha, ınvestısııalar serpini JIО́ ósý qarqynynan ozyq, olardyń ósýi 11,3% qurady. Investısııalar aýyl sharýashylyǵynda (61,4%), qurylysta (46,3%), saýdada (23%) jáne ónerkásipte (18,9%) ósti.
О́nerkásip óndirisi bıylǵy qańtar-shildede 2,7% ósti. 2019 jylǵy qańtar–shildede qurylysta (11,5%), saýdada (7,5%-ǵa), kólik salasynda (5,4%-ǵa), aýyl sharýashylyǵynda (3,5%-ǵa), ónerkásipte (2,7%-ǵa) jáne baılanys qyzmetterinde (2,6%-ǵa) oń qarqyn baıqaldy.
UEM basshysy 7 aıdyń qorytyndysy boıynsha kóptegen kórsetkishter boıynsha oń qarqyn saqtalǵanyn atap ótti.
Sonymen qatar, R. Dálenov ortalyq jáne jergilikti atqarýshy organdardyń nazaryn negizgi ekonomıkalyq kórsetkishterdiń ósýin qamtamasyz etýge, ınvestısııalyq jobalardy baqylaýdy qamtamasyz etýge, qurylys jáne aýyl sharýashylyǵy jumystarynyń maýsymyn barynsha pysyqtaýǵa jáne ınflıasııany baqylaýdy kúsheıtýge aýdardy.
Birinshi qarjy vıse-mınıstri Berik Sholpanqulov osy jyldyń 7 aıyndaǵy memlekettik bıýdjettiń oryndalý qorytyndylary týraly baıandady. Esepti kezeńde memlekettik bıýdjet kiristeriniń ósimi 114,5%, respýblıkalyq — 118% jáne jergilikti bıýdjet — 106% qurady.
B. Sholpanqulov bıýdjetterdiń barlyq deńgeılerinde qarajatty ıgerý 2018 jylmen salystyrǵanda jaqsarǵanyn aıtty.
Esepti kezeńde memlekettik bıýdjetke 4 trln. 984 mlrd. teńge kóleminde nemese josparǵa shaqqanda 103,6% kiris tústi.
Respýblıkalyq bıýdjet shyǵystary 98,9%-ǵa ıgerildi. «Nurly jol» memlekettik baǵdarlamasy boıynsha 2019 jylǵa 555 mlrd teńge kózdelgen, aǵymdaǵy jyldyń 1 tamyzyna shyǵystar 272,5 mlrd teńgege nemese ıgerildi.
Berik Sholpanqulov sonymen qatar memlekettik aýdıt jáne kameraldyq baqylaý boıynsha atqarylyp jatqan jumystar týraly baıandady. Máselen, esepti kezeńde 719 mlrd teńge bıýdjet qarajatyna aýdıt júrgizildi. Aýdıt nátıjeleri boıynsha jalpy somasy 121 mlrd teńgege qarjylyq buzýshylyqtar anyqtaldy.
Aýdıt júrgizý barysynda 114 mlrd teńge somaǵa buzýshylyqtar túzetildi, onyń ishinde 7 mlrd teńge qalpyna keltirildi, 2 mlrd teńge óteldi jáne 105 mlrd teńge esep boıynsha kórsetildi. О́z kezeginde, kameraldyq baqylaýmen jalpy somasy 6 trln teńgege 1 mln memlekettik satyp alý rásimi qamtyldy. Nátıjesinde 379 mlrd teńge somaǵa buzýshylyqtarǵa jol berilmedi.
