QR ındýstrııa jáne ınfraqurylymdyq damý mınıstri Roman Sklıar QR Premer-Mınıstri Asqar Mamınniń tóraǵalyǵymen ótken Úkimet otyrysynda 2019 jylǵy qańtar–shilde aılaryndaǵy ónerkásip salalaryn damytý týraly baıandady.
QR IIDM málimetteri boıynsha, jyl basynan beri ónerkásip óndirisi kólemi 102,7%-dy qurady, onyń ishinde taý-ken ónerkásibi 102,4%, óńdeý ónerkásibi 103,2% qurady.
Taý-ken rýda sektorynda tústi metaldardy óndirý 17,2%-ke ulǵaıdy, Bıyl naýryzdan bastap temir kenin óndirý kólemi 92,8%-dan 101,5%-ǵa deıin ósti.
R. Sklıardiń aıtýynsha, kómir men lıgnıt (kómir konsentratyn esepke almaǵanda) óndirýdiń ósýi 97,3% qurady. Búginde kómir eksporty boıynsha oń dınamıka baıqalady, 2018 jylmen salystyrǵanda ósýi 101,9% nemese 15,8 mln.tonna qurady.
«О́ńdeý ónerkásibinde ósý 3,2% qurady. Tústi metallýrgııada óndiris kólemi 8,1%-ǵa ósti», — dedi R. Sklıar.
Bıyl jyl basynan beri qara metallýrgııa salasynda óndiris kóleminiń ósýi baıqalady. Jeti aıdyń qorytyndysy boıynsha óndiris kólemi 94% qurady
Indýstrııa jáne ınfraqurylymdyq damý mınıstri atap ótkendeı, mashına jasaý salasynda óndiris kólemi 17,7%-ǵa ósti, bul avtokólik quraldary, treılerler jáne jartylaı tirkemeler 50,6%-ǵa, basqa toptamalarǵa engizilmegen mashınalar men jabdyqtar 14,5%-ǵa artýy esebinen múmkin boldy.
Farmasevtıka salasynda óndiris kólemi 18%-ǵa ósti, bul ónimniń «Hımfarm» zaýytynda 50%-ǵa, «Nobel Almaty farmasevtıkalyq fabrıkasy» AQ-ynda 13,8%-ǵa artýy esebinen múmkin boldy.
Jeńil ónerkásipte toqyma buıymdary óndirisiniń 18,3%-ke, kıim óndirisiniń 5,4%-ke ósýi esebinen jalpy óndiris 14,3%-ke ósti.
Qazirgi ýaqytta «qarapaıym zattar ekonomıkasy» baǵdarlamasy boıynsha birqatar normatıvtik aktiler men júıelik sharalar qabyldanýda.
Kólik kesheni boıynsha 2019 jyldyń qańtar-shildede naqty kólem ındeksi 105,4%-ti qurady. Qazaqstan arqyly konteıner tasymaldaýdyń jalpy kólemi ótken jylmen salystyrǵanda 38,4%-ǵa ósti jáne 351,6 myń JFB qurady.
«Turǵyn úı qurylysynda 7 aıdyń qorytyndysy boıynsha 6,5 mln sharshy metr turǵyn úı paıdalanýǵa berildi. Respýblıka boıynsha barlyǵy 55 849 baspana paıdalanýǵa berildi (onyń ishinde 24 013 jeke turǵyn úı bar). Turǵyn úı tapsyrý kóleminiń artýy ótken jylmen salystyrǵanda respýblıkanyń 7 óńirinde jalǵasýda. Jyldyq josparǵa qol jetkizý úshin osy óńirlerde jumysty jandandyrý qajet», - dedi R. Sklıar.
